Juz 26

حامیم (حقیقی معنی اللہ اور رسول صلی اللہ علیہ وسلم ہی بہتر جانتے ہیں)

(اس) کتاب کا نزول اللہ کی طرف سے ہے جو سب پر غالب ، بڑی حکمت والا ہے

اور ہم نے آسمانوں اور زمین کو اور جو (مخلوقات) ان دونوں کے درمیان ہے بَرحق اور مدتِ مقررہ کے ساتھ پیدا فرمایا ہے ۔ اور وہ جنہوں نے کفر کیا اُس (حقیقت) سے منہ موڑے ہوئے ہیں جس سے اؙن کو خبردار کیا گیا ہے

(اے نبی صلی اللہ علیہ وسلم اِن سے) پوچھئے ۔ " کبھی تم نے آنکھیں کھول کر دیکھا ہے کہ جنہیں تم اللہ کے سوا پکارتے ہو ، مجھے دکھاؤ تو سہی کہ اؙنہوں نے زمین میں کیا تخلیق کیا ہے یا آسمانوں کی (کی تخلیق) میں ان کی کیا حصہ داری ہے ؟ ۔ (ان سے کہئے کہ) لاؤ میرے پاس کوئی کتاب جو اس سے پہلے (اؙتری ہو) یا کوئی دوسرا علمی ثبوت ؟ اگر تم واقعی سچے ہو ! "

اور اس (بدبخت) سے بڑھ کر بہکا ہوا شخص اور کون ہو سکتا ہے جو اللہ کو چھوڑ کر اُن (بتوں) کو پکارے جو قیامت کے دن تک اُسے جواب نہیں دے سکتے ۔ اور وہ (بُت) اُن کی پکار سے بھی بے خبر ہیں

اور جب لوگ (روزِ محشر) جمع کئے جائیں گے تو وہ (معبودانِ باطلہ) ان کے دشمن ہونگے اور اؙن کی عبادت کا صاف انکار کر دیں گے

اور جب اُن پر ہماری صاف صاف آیات پڑھی جاتی ہیں اور حق اؙن کے سامنے آجاتا ہے تو یہ کافر کہتے ہیں ۔ یہ تو کھلا جادو ہے

کیا وہ کہتے ہیں کہ اِس (قرآن) کو (نبیۖ نے) خود گھڑ لیا ہے ۔ آپۖ فرما دیں کہ اگر اسے میں نے گھڑا ہے تو تم مجھے اللہ (کی پکڑ) سے (بچانے کا) کچھ بھی اختیار نہیں رکھتے ۔ اور وہ اؙن (باتوں) کو خوب جانتا ہے جو تم اس (قرآن) کے بارے میں کرتے ہو ۔ وہ (اللہ) میرے اور تمہارے درمیان بطور گواہ کافی ہے اور وہ بہت بخشنے والا رحیم ہے

آپۖ فرما دیں (اے محمد صلی اللہ علیہ وسلم) کہ میں (لوگوں کی طرف) کوئی پہلا رسول نہیں آیا ۔ اور مَیں (از خود یہ) نہیں جانتا کہ میرے ساتھ کیا (سلوک) کیا جائے گا اور نہ وہ جو تمہارے ساتھ کیا جائے گا ۔ مَیں تو صرف اُس وحی کی پیروی کرتا ہوں جو میری طرف کی جاتی ہے ۔ اور مَیں تو صرف (وحی کے علم کی بنا پر) صاف صاف خبردار کرنے والا ہوں

فرما دیجئے کیا تم نے کبھی سوچا کہ اگر یہ (قرآن) اللہ کی طرف سے ہوا اور تم نے اس کا انکار کر دیا (تو تمہارا کیا انجام ہوگا) ۔ حالانکہ اس جیسے کلام پر بنی اسرائیل سے ایک گواہ گواہی بھی دے چکا ہے اور وہ ایمان بھی لے آیا اور تم اپنے گھمنڈ میں پڑے رہے ۔ ایسے ظالموں کو اللہ ہدایت نہیں دیا کرتا

اور جن لوگوں نے ماننے سے انکار کر دیا اؙنہوں نے اہل ایمان سے کہا ۔ اگر یہ (دینِ محمدیۖ) بہتر ہوتا تو یہ لوگ (اسے قبول کرنے میں) ہم سے سبقت نہ لے جا سکتے تھے ۔ اور جب اؙنہوں نے اس سے ہدایت نہ پائی تو اب کہتے ہیں یہ تو پرانی من گھڑت باتیں ہیں

اور اس سے پہلے موسیٰ (علیہ السلام) کی کتاب (تورات) راہنما اور رحمت بن کر آچکی ہے ۔ اور (اؙسکی) تصدیق کرنے والی یہ کتاب عربی (زبان) میں ہے ۔ تاکہ ظالموں کو (عذابِ الٰہی سے) ڈرائے اور نیک روش اختیار کرنے والوں کو بشارت دے دے

بے شک جن لوگوں نے کہا ۔ " اللہ ہمارا رب ہے " پھر وہ اس پر ڈٹ گئے اُن کے لئے نہ کوئی خوف ہے اور نہ وہ غمگین ہوں گے

�ہی لوگ جنّتی ہیں جو اس میں ہمیشہ رہیں گے ۔ یہ اؙن اعمال کی جزا ہے جو وہ کیا کرتے تھے

اور ہم نے انسان کو اپنے والدین کے ساتھ نیک سلوک کرنے کا حکم فرمایا ۔ اس کی ماں نے بڑی مشقت کے ساتھ (پیٹ میں) اُٹھائے رکھا ۔ اور تکلیف سے اس کو جنم دیا ۔ اور اس کا (پیٹ میں) اٹھانا اور اس کا دودھ چھڑانا تیس ماہ (میں پورا ہوتا) ہے ۔ یہاں تک کہ وہ اپنی جوانی کو پہنچ جاتا ہے ۔ اور (پھر) وہ چالیس برس (کی پختہ عمر) کا ہو گیا ۔ تو کہتا ہے : اے میرے پروردگار ۔ مجھے توفیق عطا فرما کہ میں تیری اُس نعمت کا شکر ادا کروں جو تُو نے مجھ پر اور میرے والدین پر کی ہے اور یہ کہ میں ایسے نیک اعمال کروں کہ تُو راضی ہو جائے اور میری خاطر میری اولاد کو صالح بنا دے ۔ بے شک مَیں تیرے حضور توبہ کرتا ہوں اور یقیناً میں فرماں برداروں میں سے ہوں

�ی وہ (خوش نصیب) لوگ ہیں جن کے نیک اعمال کو ہم قبول کرتے ہیں اور ان کی کوتاہیوں سے درگزر فرماتے ہیں ۔ یہ اہلِ جنت میں ہوں گے ۔ یہ سچا وعدہ ہے جو ان سے کیا جاتا تھا

اور جس نے اپنے والدین سے کہا ۔ میں تم سے بے زار ہوں ۔ کیا تم مجھے خوف دلاتے ہو اس بات سے کہ میں (قبر سے دوبارہ زندہ کر کے) نکالا جاؤں گا ۔ حالانکہ مجھ سے پہلے بہت سی قومیں گزر چکیں (اُن میں سے تو کوئی اُٹھ کر نہ آیا) اور وہ دونوں (ماں باپ) اللہ کی بارگاہ میں فریاد کرتے ہیں (اور لڑکے سے کہتے ہیں) تُو ہلاک ہو گیا ایمان لے آ ۔ بے شک اللہ کا وعدہ سچا ہے ۔ مگر وہ کہتا ہے ۔ " یہ (دھمکیاں) اگلے لوگوں کی فرسودہ کہانیوں کے سوا اور (کچھ) نہیں

�ہی وہ لوگ ہیں جن کے بارے میں (عذاب کا) فیصلہ صادر ہو چکا ، جِنّات اور انسانوں کی بہت سے گروہ جو پہلے گزر چکے ہیں (وہ بھی اس میں شامل ہیں) ۔ بے شک وہ (سب) خسارہ اُٹھانے والوں میں تھے

اور ہر ایک (گروہ) کے لئے اؙن کے اعمال کے مطابق درجات ہوں گے ۔ تاکہ (اللہ) اؙن کو اؙن کے اعمال کا پورا پورا بدلہ دے اور اؙن پر کوئی ظلم نہیں کیا جائے گا

اور (وہ دن بھی آئے گا) جس دن کافروں کو آگ کے سامنے لا کھڑا کیا جائے گا (تو ان سے کہا جائے گا) تم دنیا کی زندگی میں اپنی من بھاتی نعمتوں کا حصہ حاصل کر چکے اور اُن سے خوب خوب لطف اٹھا چکے ۔ پس آج کے دن تمہیں ذِلّت کے عذاب کی سزا دی جائے گی اؙس تکبر کی وجہ سے جو تم زمین میں ناحق کیا کرتے تھے اور وہ نافرمانیاں (بھی اِسکی وجہ بنیں) جن کا اِرتکاب تم کیا کرتے تھے