Juz 21

اور (اے مسلمانو !) اہلِ کتاب سے بحث مباحثہ نہ کیا کرو مگر اچھے طریقے سے ، سوائے اُن لوگوں کے جو اؙن میں سے ظالم ہوں ۔ اور (اؙن سے) کہہ دو کہ ہم اؙس (کتاب) پر ایمان لائے ہیں جو ہماری طرف بھیجی گئی ہے اور جو تمہاری طرف بھیجی گئی ہے ۔ اور ہمارا معبود اور تمہارا معبود ایک ہی ہے ۔ اور ہم اُسی کے فرماں بردار ہیں

(اے نبی صلی اللہ علیہ وسلم) اور اِسی طرح ہم نے آپۖ کی طرف کتاب اؙتاری اور جن لوگوں کو ہم نے (پہلے سے) کتاب (یعنی توریت) عطا کر رکھی تھی وہ (حق شناس) اس کتاب پر (بھی) ایمان لاتے ہیں ۔ اور ان (اہلِ مکہ) میں سے (بھی) ایسے ہیں جو اس (قرآن) پر ایمان لا رہے ہیں ۔ اور ہماری آیتوں کا انکار تو (بس) کا فر ہی کرتے ہیں

اور (اے رسول صلی اللہ علیہ وسلم) اس سے پہلے آپۖ کوئی کتاب نہیں پڑھا کرتے تھے اور نہ ہی آپۖ اسے اپنے ہاتھ سے لکھتے تھے ۔ ورنہ اہلِ باطل اؙسی وقت ضرور شک میں پڑ جاتے ۔ (آپۖ اؙمّی تھے یہ اس بات کا ثبوت ہے کہ قرآن نبیۖ کا نہیں اللہ کا کلام ہے)

)بلکہ وہ (قرآن ہی کی) روشن آئتیں ہیں جو اُن لوگوں کے سینوں میں (محفوظ) ہیں ۔ جنہیں علمِ (نافع) بخشا گیا ۔ اور ظالموں کے سوا ہماری آیات کا کوئی انکار نہیں کر سکتا

اور (یہ کافر ) کہتے ہیں کہ ان پر (یعنی نبیِ کریم صلی اللہ علیہ وسلم پر) ان کے رب کی طرف سے نشانیاں (یعنی معجرات) کیوں نہیں اُتارے گئے ۔ آپۖ کہہ دیجئے کہ نشانیاں تو اللہ ہی کے پاس ہیں اور مَیں تو صاف صاف (اللہ کے عذاب سے) ڈرانے والا ہوں

کیا ان کے لئے یہ (نشانی) کافی نہیں جو ہم نے آپۖ پر کتاب نازل فرمائی ہے جو ان پر پڑھی جاتی ہے ۔ بے شک اس (کتاب) میں اہلِ ایمان کے لئے رحمت ہے اور نصیحت (بھی) ہے

(اے نبی صلی اللہ علیہ وسلم) آپۖ فرمائیے (اِن منکرین سے کہ) میرے اور تمہارے درمیان الله ہی بطور گواہ کافی ہے ۔ وہ جو کچھ آسمانوں اور زمین میں ہے (سب کا حال) جانتا ہے ۔ اور جو لوگ باطل کو مانتے ہیں اور اللہ سے کفر کرتے ہیں وہی خسارے میں رہنے والے ہیں

اور یہ لوگ آپۖ سے عذاب میں جلدی چاہتے ہیں اور اگر (عذاب کا) وقت مقرر نہ ہوتا تو ان پر عذاب آچکا ہوتا ۔ اور وہ ضرور (اپنے وقت پر) ان پر اچانک آئے گا اور انہیں خبر بھی نہ ہو گی

وہ آپۖ سے عذاب کے جلد آنے کا مطالبہ کرتے ہیں ۔ اور بے شک جہنم تو کافروں کو گھیر لینے والی ہے

(اور اؙنہیں پتہ چلے گا) اُس روز جب کہ عذاب اُنہیں ڈھانپ لے گا اوپر سے اور ان کے پاؤں کے نیچے سے ۔ تو ارشاد ہوگا ۔ لو اب اپنے کرتوتوں کا مزا چکھو

اے میرے بندو ! جو ایمان لائے ہو (اگر کفارِ مکہ تمہیں تنگ کر رہے ہیں تو فکر کی کوئی بات نہیں) میری زمین وسیع ہے (ہجرت کر جاؤ) پس تم میری ہی بندگی بجا لاؤ

�ر جان کو موت کا مزا چکھنا ہے ۔ پھر تم ہماری ہی طرف لوٹائے جاؤ گے

اور جو لوگ ایمان لائے اور نیک اعمال کرتے رہے ۔ ہم اُنہیں لازماً جنت کے بالائی محلّات میں جگہ دیں گے جن کے دامن میں نہریں رواں دواں ہوں گی ۔ وہ اُن میں ہمیشہ رہیں گے ۔ (اور ذرا دیکھو تو) کیا ہی عمدہ صلہ ہے (نیک) اعمال کرنے والوں کا !!

�ہ وہ (خوش نصیب ) ہوں گے جنہوں نے (اللہ کی رضا کے لئے تکالیف برداشت کرتے ہوئے) صبر کیا اور وہ اپنے رب پر ہی تو کّل کرتے رہے

اور (ذرا غور تو کرو) کتنے ہی زمین پر چلنے والے (جانور) ایسے ہیں جو اپنا رزق اُٹھائے نہیں پھرتے ، اللہ اؙنہیں بھی رزق دیتا ہے اور تمہیں بھی ۔ اور وہ (ہماری پکار کو) سننے والا اور (ہمارے حالات کو) جاننے والا ہے

اور (اے محمد صلی اللہ علیہ وسلم) اگر آپۖ ان (مشرکوں) سے پوچھیں کہ آسمانوں اللہ زمین کو کس نے پیدا کیا ہے اور سورج اور چاند کو کس نے مسّخر کر رکھا ہے تو ضرور کہیں گے اللہ نے ۔ پھر یہ کدھر سے دھوکا کھا رہے ہیں ؟

اللہ ہی ہے کہ وہ اپنے بندوں میں سے جس کے لئے چاہتا ہے رزق کشادہ کر دیتا ہے اور جس کے لئے (چاہتا ہے) تنگ کر دیتا ہے ۔ بے شک الله (اپنے بندوں کے حالات کو) خوب جاننے والا ہے

اور اگر آپۖ ان سے پوچھیں کہ آسمان سے پانی کس نے برسایا ہے پھر اس کے ذریعے بنجر زمین کو سرسبز و شادابی کس نے بخشی ہے تو وہ ضرور کہیں گے کہ اللہ نے ۔ آپۖ فرما دیں ۔ الحمد للہ (حق واضح ہو گیا) بلکہ ان میں سے اکثر عقل سے عاری ہیں

اور یہ دنیا کی زندگی کچھ نہیں مگر کھیل تماشہ اور دل کا بہلاوا ۔ اور حقیقت میں آخرت کا گھر ہی (اصل) زندگی ہے (جسے موت نہیں) ۔ کاش یہ (لوگ اس حقیقت کو) جان لیتے !

اور جب یہ (لوگ) کشتی میں سوار ہوتے ہیں تو (مشکل وقت میں بُتوں کو چھوڑ کر) اپنے دین کو اُس کے لئے خالص کر کے اللہ کو پکارتے ہیں ۔ پھر جب وہ (اللہ) اؙنہیں بچا کر خشکی تک پہنچا دیتا ہے تو اس وقت وہ (دوبارہ) شرک کرنے لگ جاتے ہیں