Juz 25

الَيْهِ يُرَدُّ پارهقیامت کا علم اؙسی (اللہ) کی طرف لوٹایا جاتا ہے اور نہ پھل اپنے غلافوں سے نکلتے ہیں اور نہ کوئی مادہ حاملہ ہوتی ہے اور نہ بچہ جنتی ہے مگر (یہ سب کچھ) اؙس کے علم میں ہوتا ہے ۔ اور جس دن وہ (ربِ کائنات) اُنہیں آواز دے گا (بتاؤ) کہاں ہیں میرے شریک ؟ تو وہ (مشرکین) کہیں گے ۔ ہم عرض کر چکے ہیں کہ ہم سے کوئی بھی اس کی گواہی دینے والا نہیں ہے (کہ نہیں ان کی خیربی نہیں)

اور وہ سب (بت) جن کی وہ (دنیا میں) پوجا کیا کرتے تھے ، غائب ہو جائیں گے اور وہ سمجھ لیں گے کہ اب اؙن کے لئے بچ نکلنے کی کوئی جگہ نہیں

انسان (اپنے لئے) بھلائی کی دعا مانگتے تو تھکتا نہیں اور اگر اؙسے کوئی تکلیف پہنچتی ہے تو بالکل مایوس (اور) نا اؙمید ہو جاتا ہے

اور اگر تکلیف پہنچنے کے بعد ہم اؙسے اپنی رحمت (کا مزہ) چکھاتے ہیں تو وہ لازماً کہنے لگتا ہے " یہ تو میرا حق تھا ۔ اور میں نہیں سمجھتا کہ قیامت برپا ہوگی اور اگر میں اپنے رب کی طرف لوٹایا بھی گیا تو یقیناً میرے لئے اؙس کے پاس خیر ہی خیر ہوگی " ۔ حالانکہ کفر کرنے والوں کو لازماً ہم بتا کر رہیں گے کہ وہ کیا کر کے آئے ہیں اور ہم اؙنہیں لازماً سخت ترین عذاب (کا مزہ) چکھا دیں گے

اور جب ہم انسان کو نعمت عطا کرتے ہیں تو وہ (تکبّر سے) منہ موڑ لیتا ہے ۔ اور پہلو تہی کرنے لگتا ہے ۔ اور جب اؙسے تکلیف پہنچتی ہے تو لمبی چوڑی دعائیں کرنے لگ جاتا ہے

(اے نبیِ کریم صلی اللہ علیہ وسلم) ان سے فرما دیجئے (اے منکرو) بھلا دیکھو اگر یہ (قرآن) اللہ کی طرف سے ہو ، پھر تم اسکا انکار کرو تو اؙس شخص سے بڑھ کر کون گمراہ ہوگا جو اس کی مخالفت میں دوؙر تک نکل گیا ہو

�م عنقریب ان کو اطرافِ عَالم میں اور خود ان کی ذات میں بھی اپنی نشانیاں دکھائیں گے ۔ یہاں تک کہ ان پر یہ بات کُھل جائے گی کہ یہ (قرآن) واقعی حق ہے ۔ کیا یہ کافی نہیں ہے کہ آپۖ کا رب ہر چیز پر گواہ ہے

سنو ! یہ لوگ اپنے رب کی ملاقات میں شک رکھتے ہیں ۔ خبردار وہی ہر چیز کا احاطہ کئے ہوئے ہے

حامیم

عین سین قاف ۔ (حقیقی معنی اللہ اور رسولۖ ہی بہتر جانتے ہیں)

اِسی طرح (اے رسولِ کریم صلی اللہ علیہ وسلم) آپۖ کی طرف اور اُن (رسولوں) کی طرف جو آپۖ سے پہلے ہوئے ہیں ، اللہ وحی بھیجتا رہا ہے ۔ جو غالب ہے ، بڑی حکمت والا ہَے

اُسی کا ہے جو کچھ آسمانوں میں ہے اور جو کچھ زمین میں ہَے اور وہ بلند مرتبہ ، بڑی عظمت والا ہے

قریب ہے کہ (جلالِ الٰہی سے) آسمان اپنے اؙوپر سے پھٹ پڑیں ۔ اور (ایسا اسلئے نہیں ہوتا کہ) فرشتے اپنے رب کی حمد کے ساتھ تسبیح کرتے رہتے ہیں اور زمین میں بسنے والوں کے لئے معافی طلب کرتے رہتے ہیں ۔ خوب جان لو کہ بے شک اللہ ہی مغفرت کرنے والا ، رحم فرمانے والا ہے

اور جن لوگوں نے اُس (اللہ) کے سوا دوسرے کارساز و سرپرست بنا رکھّے ہیں وہ سب اللہ کی نظر میں ہیں ۔ اور (ایے حبیبۖ) آپۖ ان کے ذمہ دار نہیں ہیں

اور اِسی طرح ہم نے (یہ) قرآن آپۖ کی طرف عربی زبان میں وحی فرمایا ہے ۔ تاکہ آپۖ بڑے شہر (مکہ کے رہنے) والوں کو اور اُن لوگوں کو جو اس کے اِرد گرد رہتے ہیں خبردار کر دیں ۔ اور اُس دن کا بھی خوف دلائیں جس (کے آنے) میں کوئی شک نہیں ۔ (اؙس دن) ایک گروہ جنت میں ہوگا اور ایک گروہ بھڑکتی آگ میں ہوگا

اور اگر اللہ چاہتا تو ان سب کو ایک ہی اُمت بنا دیتا ۔ لیکن وہ جسے چاہتا ہے اپنی رحمت میں داخل فرماتا ہے ۔ اور ظالموں کے لئے نہ کوئی دوست ہو گا اور نہ کوئی مددگار

کیا اؙنہوں نے اللہ کے سوا دوسرے کارساز بنا رکھے ہیں ؟ حالانکہ کارساز تو اللہ ہی ہے ۔ اور وہی مُردوں کو زندہ کرتا ہے اور وہی ہر چیز پر پوری طرح قادر ہَے

اور تم جس (امر) میں اختلاف کرتے ہو تو اس کا فیصلہ اللہ ہی کی طرف (سے) ہوگا ۔ یہی اللہ میرا رب ہے ۔ میں نے اِسی پر بھروسہ کیا اور اسی کی طرف رجوع کرتا ہوں

(وہی ہے تمہارا معبودِ حقیقی جو) آسمانوں اور زمین کو عدم سے وجود میں لانے والا ہے ۔ اُسی نے تمہارے لئے تمہاری ہی جنس سے جوڑے بنائے اور چوپائیوں کے بھی (جوڑے بنائے) ۔ اور تمہیں انہی (جوڑوں کی وجہ) سے پھیلاتا ہے ۔ (کائنات کی) کوئی چیز اؙس کے مثل نہیں ۔ اور وہی سننے والا ، دیکھنے والا ہے

آسمانوں اور زمین کے خزانوں کی کنجیاں اُسی کے قبضہ میں ہیں ۔ وہ جس کے لئے چاہتا ہے رزق کشادہ کر دیتا ہے اور (جس کے لئے چاہتا ہے ) نپا تُلا دیتا ہے ۔ بے شک وہ (ہر ایک کے حالات سے) بخوبی واقف ہے