Juz 10

وَاعلَمُو(تم نے مالِ غنیمت کے بارے میں پوچھا تھا تو) خُوب جان لو کہ جو کچھ مالِ غنیمت تم نے پایا ہَے ، اِس کا پانچواں حصہ اللہ کے لئے اور رسول (صلی اللہ علیہ وسلم) کے لئے اور (رسول الله صلی اللہ علیہ وسلم کے) قرابت داروں کے لئے ہے اور یتیموں اور مسکینوں اور مسافروں کے لئے ہے ۔ اگر تم اللہ پر اور اُس (وحی) پر ایمان لائے ہو جو ہم نے اپنے (خاص) بندے (محمد صلی اللہ علیہ وسلم) پر (حق و باطل کے درمیان) فیصلے کے دن نازل فرمائی تھی ۔ جس دن (میدانِ بدر میں مومنوں اور کافروں کے) دونوں لشکر باہم مقابل ہوئے تھے ۔ اللہ ہر چیز پر قدرت رکھتا ہے

(یاد کرو) جب تم (مدینہ کی جانب) وادی کے قریبی کنارے پر تھے اور وہ (کافر دوسری جانب) دوؙر والے کنارے پر تھے اور (تجارتی) قافلہ تم سے نیچے (ساحل) کی طرف تھا ۔ اور اگر تم سے آپس میں (جنگ کے لئے) کوئی وعدہ کر لیتے تو جو وقت ٹھہراتے اس میں لازماً آگے پیچھے ہو جاتے ۔ لیکن (اللہ نے تمہیں آگے پیچھے نہیں ہونے دیا) یہ اس لئے کہ اللہ اُس معاملے کا فیصلہ کر دے جو ہو کر رہنا تھا ۔ تاکہ ہلاک ہو جس نے ہلاک ہونا ہے دلیل سے اور زندہ رہے جس نے زندہ رہنا ہے دلیل سے ۔ بے شک اللہ خوب سننے والا ، جاننے والا ہے

(وہ واقعہ یاد دلائیں) جب اللہ آپۖ کے خواب میں ان (کافروں) کو تھوڑا کر کے دکھا رہا تھا اور اگر اُنہیں زیادہ تعداد میں دکھاتا تو (اے مسلمانو !) تم ضرور ہمت ہار جاتے اور اس معاملے میں جھگڑنے لگتے ۔ لیکن اللہ نے (تمہیں) بچا لیا ۔ بے شک وہ سینوں کے حال تک کو جانتا ہے

اور (یاد کرو) جب مقابلے کے وقت (الله) تمہاری نگاہوں میں اُنہیں تھوڑا کر کے دکھا رہا تھا اور تمہیں اُن کی نگاہوں میں کم کر کے دکھا رہا تھا تاکہ اللہ اس معاملے کا فیصلہ کر دے جو ہو کر رہنا تھا ۔ اور سارے معاملات اللہ ہی کی طرف لوٹائے جاتے ہیں

اے ایمان والو ! (آئندہ بھی) جب تمہارا مقابلہ کسی گروہ سے ہو تو ثابت قدم رہا کرو۔ اور کثرت سے اللہ کا ذکر کیا کرو ، تا کہ تمہیں کامیابی نصیب ہو

اور اطاعت کرو اللہ اور اؙس کے رسول (صلی اللہ علیہ وسلم) کی ۔ اور (آپس میں) جھگڑا نہ کیا کرو ورنہ بزدل ہو جاؤ گے اور تمہاری ہوا اؙکھڑ جائے گی ۔ اور صبر سے کام لو ، بے شک اللہ صبر کرنے والوں کے ساتھ ہے

اور (دیکھو) تم اُن لوگوں کی طرح نہ ہو جانا جو اپنے گھروں سے اِتراتے ہوئے اور لوگوں کو (اپنی شان) دکھلاتے ہوئے نکلے تھے اور (اؙن کا حال یہ ہے کہ وہ لوگوں کو) اللہ کی راہ سے روکتے ہیں ، اور اللہ تو اُن کے اعمال کا احاطہ کئے ہوئے ہے

اور (وہ وقت بھی یاد کرو) جب شیطان نے اُن (کافروں) کے کرتوت (اؙن کی نگاہوں میں) خوشنما بنا دیئے تھے اور وہ (اؙن سے) کہہ رہا تھا کہ آج لوگوں میں سے کوئی بھی تم پر غالب نہیں آسکتا اور یقیناً میں تمہارے ساتھ ہوں ۔ مگر جب دونوں گروہوں کا آمنا سامنا ہُوا تو وہ اُلٹے پاؤں بھاگا اور کہنے لگا ، مَیں تم سے بَریُ الزمّہ ہوں ، یقیناً مَیں وہ کچھ دیکھ رہا ہوں جو تم نہیں دیکھتے ۔ بے شک میں تو اللہ سے ڈرتا ہوں (کیونکہ) اللہ سخت سزادینے والا ہے

(یاد کرو) جب منافقین اور وہ سب لوگ جن کے دلوں کو (کفر کا) روگ لگا ہُوا تھا کہہ رہے تھے کہ اِن (مسلمانوں) کو تو اِن کے دین نے خبط میں مبتلا کر رکھا ہے ۔ (جب کہ سچی بات تو یہ ہے کہ) جو کوئی اللہ پر بھروسہ کرتا ہے (تو اللہ ضرور اؙس کی مدد فرماتا ہے) اس لئے کہ اللہ زبردست ، بڑی حکمت والا ہے

اور اگر آپۖ دیکھتے (بدر کے دن) فرشتوں کو ان کافروں کی جان قبض کرتے ، ان کے چہروں اور ان کے کولہوں پر ضربیں لگاتے (اور اؙنہیں یہ کہتے ہوئے کہ) اب چکھو جلنے کا عذاب

�ہ اُن (اعمالِ بد) کا بدلہ ہے جو تمہارے ہاتھوں نے آگے بھیجا تھا اور بلا شبہ اللہ تو ہرگز اپنے بندوں پر ظلم کرنے والا نہیں

�ہ اُسی طرح کا معاملہ تھا جیسے قومِ فرعون اور اُن سے پہلے کے لوگوں کے ساتھ (پیش آتا رہا) - اُنہوں نے (بھی) اللہ کی آیات کا انکار کیا تھا ، سو اللہ نے اؙنہیں ان کے گناہوں کے سبب پکڑ لیا ۔ بے شک الله قوت والا ، سخت عذاب دینے والا ہے

�ہ اس لئے کہ اللہ کسی نعمت کو جو اُس نے کسی قوم کو عطا کی ہو ، اس وقت تک نہیں بدلتا ہے حتیٰ کہ وہ اپنے آپ کو بدل ڈالیں ۔ اور (وہ اس لئے کہ) اللہ (ہر بات) سننے والا ، (سب کچھ) جاننے والا ہے

(کفارِ مکہ کا طرزِ عمل بھی) فرعونیوں اور اُن (سرکشوں) جیسا تھا جو پہلے گزر چکے ، اُنہوں نے اپنے رب کی آیات کو جھٹلایا تھا پس ہم نے اُنہیں اُن کے گناہوں کی وجہ سے ہلاک کر دیا ۔ اور قومِ فرعون کو ہم نے (دریا میں) غرق کر دیا ۔ اور وہ سب کے سب ظالم تھے

بلا شبہ اللہ کے نزدیک زمین پر چلنے والی مخلوق میں بدترین وہ لوگ ہیں جنہوں نے (حق کا) انکار کیا پھر کسی طرح بھی وہ اسے ماننے کے لئے تیار نہیں

(خاص طور پر) وہ لوگ جن سے (بارہا) آپۖ نے معاہدہ کیا پھر وہ بار بار اپنے عہد کو توڑتے رہے اور وہ (عہد شکنی سے) ذرا بھی نہیں بچتے

لہذا اگر آپۖ اُنہیں (میدانِ) جنگ میں پا لیں تو اؙنہیں ایسی مار ماریں کہ جو ان کے پیچھے ہیں وہ منتشر ہو کر بھاگ جائیں ، تاکہ وہ عبرت پکڑیں

اور اگر آپۖ کو کسی قوم سے خیانت کا اندیشہ ہو (کہ وہ معاہدہ توڑ رہی ہے) تو (اُن کا عہد) اُن کی طرف اُٹھا کر پھینک دیں جیسا اؙنہوں نے پھینکا ۔ بے شک اللہ دغا باﺰوں کو پسند نہیں فرماتا

اور یہ کافر لوگ ہرگز اس غلط فہمی میں نہ رہیں کہ وہ بازی لے گئے ۔ یقیناً وہ ہمیں ہرا نہیں سکتے

اور جہاں تک تمہارا بس چلے ان (کافروں) کے (مقابلے کے) لئے (فوج اور آلاتِ جنگ کی) قوت اور تیار بندھے رہنے والے گھوڑوں (کی کھیپ بھی) مہیا کر رکھو ۔ تاکہ تم اس (قوت) کے ذریعے اللہ کے دشمنوں اور اپنے دشمنوں کو خوف زدہ کر سکو اور ان کے علاوہ اُن دوسرے (دشمنوں) کو بھی جن کو تم نہیں جانتے (مگر) اللہ اؙنہیں جانتا ہے ۔ اور اللہ کی راہ میں جو کچھ بھی تم خرچ کرو گے تمہیں اُس کا پورا پورا (بدلہ) دیا جائے گا ۔ اور تم سے نا انصافی نہیں کی جائے گی