Juz 23

اؙس (کی شہادت) کے بعد ہم نے اؙس کی قوم پر آسمان سے کوئی شکر نہیں اتارا اور نہ ہی ہم اُتارنے والے تھے

بس ایک دھماکہ ہُوا اور وہ سب بجھ کر رہ گئے

�ائے افسوس اؙن بندوں پر ! جو رسول بھی اُن کے پاس آیا وہ اس کا مذاق میں اؙڑاتے رہے

کیا اؙنہوں نے دیکھا نہیں کہ ہم نے اُن سے پہلے کتنی ہی قومیں ہلاک کر ڈالیں (اور) وہ (آج تک) اُن کی طرف لوٹ کر نہ آئے

اور وہ سب کے سب (ایک روز) ہمارے حضور حاضر کئے جائیں گے

اور ان کے لئے ایک نشانی مُردہ زمین ہے ۔ جسے ہم نے زندگی بخشی اور ہم نے اس سے غلّہ نکالا ۔ وہ اس میں سے کھاتے ہیں

اور ہم نے اس میں کھجوروں اور انگوروں کے باغات پیدا کئے ۔ اور ہم نے اس کے اندر سے چشمے بھی جاری کر دیئے

تاکہ وہ اس کے پھل کھائیں اور یہ (سب کچھ) ان کے اپنے ہا تھوں نے نہیں بنایا ۔ پھر کیا وہ شکر ادا نہیں کرتے

پاک ہے وہ ذات جس نے ہر چیز کا جوڑا جوڑا پیدا کیا ۔ (خواہ) وہ زمین کی نباتات میں سے ہو یا خود ان کی اپنی جنس (یعنی نوعِ انسانی) میں سے یا اؙن (اشیاء) میں سے جن کو وہ جانتے تک نہیں

اور اؙن کے لئے ایک نشانی رات (بھی) ہے ۔ ہم اس میں سے دن کو کھینچ لیتے ہیں ۔ سو وہ اؙس وقت اندھیرے میں پڑے رہ جاتے ہیں

اور سورج ، وہ اپنی منزل کی طرف رواں دواں ہے ۔ یہ زبردست ، بہت علم والے (رب) کا باندھا ہوا حساب ہے

اور چاند ، ہم نے اس کی (حرکت و گردش) کی منزلیں مقرر کر رکھی ہیں ۔ یہاں تک کہ وہ گھٹتے گھٹتے کھجور کی پرانی شاخ کی طرح ہو جاتا ہے

نہ سورج کے بس میں ہے کہ وہ (اپنا مدار چھوڑ کر) چاند کو جا پکڑے اور نہ رات (ہی) دن سے پہلے نمودار ہو سکتی ہے ۔ اور سب (سیارے اور ستارے) اپنے مدار میں حرکت پذیر ہیں

اور ان کے لئے ایک نشانی یہ (بھی) ہے کہ ہم نے ان کی نسل کو بھری کشتیِ (نوحؑ) میں سوار کر (کے بچا) لیا تھا

اور ہم نے ان کے لئے اس (کشتی) کی مانند اور (سواریاں) پیدا کیں جن پر وہ سوار ہوتے ہیں

اگر ہم چاہیں تو انہیں غرق کر دیں ۔ تو کوئی ان کی فریاد سننے والا نہ ہوگا اور نہ وہ بچائے جاسکیں گے

سوائے ہماری رحمت کے (جو انہیں پار لگاتی ہے) اور (یہ زندگی میں) ایک مقررہ مدت تک کا فائدہ اُٹھانے کا موقع دیتی ہے

اور جب اُن سے کہا جاتا ہے کہ بچو اُس (انجام) سے جو تمہارے آگے (آ رہا) ہے اور جو تمہارے پیچھے (گزر چکا) ہے ۔ تاکہ تم پر رحم کیا جائے (تو یہ سُنی ان سُنی کر جاتے ہیں)

(ان کے سامنے) ان کے رب کی آیات میں سے جو بھی آیت آتی ہے تو وہ اس سے منہ موڑ لیتے ہیں

اور جب ان سے کہا جاتا ہے کہ اللہ نے جو رزق تمہیں عطا کیا ہے اس میں سے (اللہ کی راہ میں) خرچ کرو تو کافر لوگ ایمان والوں سے کہتے ہیں کیا ہم اس (غریب شخص) کو کھلائیں جسے اگر اللہ چاہتا تو (خود ہی) کھلا دیتا ۔ تم تو بالکل ہی بہک گئے ہو