Juz 24

فَمَن اَظلَمَپھر اؙس شخص سے بڑھ کر اور کون ظالم ہوگا جس نے اللہ پر جھوٹ باندھا اور سچ کو جھٹلایا جبکہ وہ اس کے پاس آچکا ۔ کیا کافروں کا ٹھکانا جہنم میں نہیں ہے ؟

اور جو (رسولۖ) سچ لے کر آئے اور جس نے اس کی تصدیق کی ۔ یہی نفُوسِ قُدسیہ) متّقی ہیں

)اُن کے لئے اُن کے رب کے پاس وہ (سب نعمتیں) موجود ہیں ، جن کی وہ خواہش کریں گے ۔ محسنین کی یہی جزا ہے

تاکہ اللہ ان کی خطاؤں کو جو اؙنہوں نے کیں ، اُن سے دوؙر کر دے اور اؙنہیں ان کا بدلہ اُن نیکیوں کے عوض عطا فرمائے جو وہ کیا کرتے تھے

(اے حبیبۖ) کیا اللہ اپنے بندے کے لئے کافی نہیں ہے ؟ اور (کافر لوگ) آپۖ کو اللہ کے سوا اؙن (بتوں) سے ڈراتے ہیں (جن کی یہ پوجا کرتے ہیں) ۔ اور جسے اللہ (قبولِ حق سے انکار کے باعث) گمراہ ٹھہرا دے تو اؙسے کوئی ہدایت دینے والا نہیں

اور جِسے اللہ ہدایت سے نواز دے تو اُسے کوئی گمراہ کرنے والا نہیں ۔ کیا اللہ زبردست انتقام لینے والا نہیں ہے ؟

اور اگر آپۖ اِن (منکروں) سے پوچھیں کہ آسمانوں اور زمین کو کس نے پیدا کیا ہے تو وہ ضرور کہیں گے اللہ نے ۔۔۔۔۔ آپۖ فرما دیجئے (جب حقیقت یہ ہے تو) پھر تمہارا کیا خیال ہے ، جن کی تم اللہ کے سوا پوجا پاٹ کرتے ہو ، اگر اللہ مجھے کوئی تکلیف پہنچانا چاہے تو کیا یہ (دیویاں) اُس کی (بھیجی ہوئی) تکلیف کو دوؙر کر سکتی ہیں ؟ یا وہ مجھے رحمت سے نوازنا چاہے تو کیا وہ اؙسکی (بھیجی ہوئی) رحمت کو روک سکتی ہیں ؟ ۔ فرما دیجئے ۔۔۔ مجھے تو بس اللہ ہی کافی ہے ۔ بھروسہ کرنے والے تو بس اؙسی پر بھروسہ کرتے ہیں

فرما دیجئے ۔ اے (میری) قوم ! تم اپنی جگہ عمل کئے جاؤ ، میں اپنا کام کرتا رہوں گا ۔ پھر عنقریب تمہیں معلوم ہو جائے گا

(کہ) کس پر عذاب آتا ہے جو اؙسے رؙسوا کر دے گا اور (کون ہے) جس پر دائمی عذاب اؙترے گا

(اے نبی صلی اللہ علیہ وسلم) بے شک ہم نے آپۖ پر لوگوں (کی راہنمائی) کے لئے پوری سچائی کے ساتھ کتاب اُتاری ہے ۔ پس جس نے ہدایت پائی تو اپنے ہی فائدے کے لئے اور گمراہ ہوا تو اپنے ہی نقصان کے لئے گمراہ ہوا ۔ اور آپۖ ان کے ذمہ دار نہیں ہیں

(وہ) اللہ ہی ہے جو موت کے وقت روحیں قبض کرتا ہَے ۔ اور جس کو ابھی موت نہیں آنی (اؙس کی روح قبض کرتا ہے) اؙس کی نیند میں ۔ پھر اؙنہیں روک لیتا ہے جن پر موت کا حکم نافذ ہو چکا ہو اور دوسری (جان) کو مقررہ معیاد تک واپس بھیج دیتا ہے ۔ اس (حقیقت) میں اُن لوگوں کے لئے بڑی نشانیاں ہیں جو غوروفکر کرتے ہیں

کیا اؙنہوں نے اللہ کو چھوڑ کر اور سفارشی بنا رکھے ہیں ؟ (ان سے) پوچھئے ۔ اگر چہ وہ کسی چیز کے مالک بھی نہ ہوں ! اور سمجھ بُوجھ بھی نہ رکھتے ہوں ؟

فرما دیجئے ۔ شفاعت ساری کی ساری اللہ کے اختیار میں ہے ۔ آسمانوں اور زمین کی بادشاہی بھی اؙسی کی ہے ۔ پھر تم اُسی کی طرف لوٹائے جاؤ گے

اور جب اکیلے اللہ ہی کا ذکر کیا جاتا ہے تو آخرت پر ایمان نہ رکھنے والوں کے دل کُڑھنے لگتے ہیں اور جب اللہ کے علاوہ دوسروں کا ذکر کیا جاتا ہے (جنہیں وہ پوجتے ہیں) تو یکا یک وہ خوشی سے کِھل اؙٹھتے ہیں

آپۖ عرض کیجئے ۔ اے الله ! آسمانوں اور زمین کو پیدا کرنے والے ، غیب اور ظاہر کا علم رکھنے والے ، تُو ہی اپنے بندوں کے درمیان اُن (امور) کا فیصلہ فرمائے گا جن میں وہ اختلاف کیا کرتے تھے

اور اگر (اِن) ظالموں کو وہ سب کا سب (مال و متاع) مل جائے جو روئےِ زمین میں ہے اور اس کے ساتھ اس نے برابر (اور بھی مل جائے) تو وہ اِسے روزِ قیامت بُرے عذاب (سے نجات پانے) کے بدلے فدیہ میں دے ڈالیں گے ۔ (لیکن) اللہ کی طرف سے اُن کے لئے وہ (عذاب) ظاہر ہوگا جس کا اُن کو کوئی گمان بھی) نہیں تھا

)اور اُن کے لئے وہ (سب) بُرے اعمال ظاہر ہو جائیں گے جو اؙنہوں نے کما رکھے تھے اور اؙنہیں وہ (عذاب) گھیر لے گا جس کا وہ (دنیا میں) مذاق اُڑایا کرتے تھے

پھر جب انسان کو کوئی مصیبت چُھو جاتی ہے تو ہمیں پکارتا ہے ۔ پھر جب ہم اپنی طرف سے اُسے کوئی نعمت عطا کر دیتے ہیں تو کہنے لگتا ہے : یہ تو مجھے (میرے) علم کی بنا پر دی گئی ہے ۔ بلکہ (ایسا نہیں ہَے) یہ تو ایک آزمائش ہے ۔ مگر ان میں سے اکثر لوگ (اس حقیقت کو) نہیں جانتے

�ہی بات اُن لوگوں نے بھی کہی تھی جو ان سے پہلے تھے ۔ (جب ہم نے اؙنہیں پکڑا) تو اُن کے (اعمال) جو اؙنہوں نے کمائے تھے کسی کام نہ آ سکے

پھر اُن کی تمام بد اعمالیاں اُن پر آ پڑیں (اور سزایاب ہو گئے) ۔ اور ان میں بھی جو ظالم ہیں ان پر بھی اُن کے بُرے اعمال (کے نتائج) ابھی پڑنے والے ہیں ۔ اور وہ (اللہ کو) عاجز نہیں کر سکتے