Surah Al-Anfal

بسم الله الرحمن الرحیمشروع) اللہ کے نام کے ساتھ جو رحمٰن ہے رحیم ہے ۔ ) (اے میرے رسولۖ) آپۖ سے اموالِ غنیمت کے بارے میں پوچھتے ہیں ۔ بتا دیجئے کہ یہ اموالِ غنیمت اللہ اور رسولۖ کے لئے ہیں ۔ اور تم اللہ کی ناراضی سے بچتے رہو اور اپنے باہمی معاملات کی اصلاح کرو اور اگر ایمان رکھتے ہو تو الله اور اس کے رسولۖ کی اطاعت میں رہو

در حقیقت ایمان والے تو صرف وہی لوگ ہیں کہ جب (اُن کے سامنے) اللہ کا ذکر کیا جاتا ہے تو (اُس کی عظمت و جلالت سے) اُن کے دل دہل جاتے ہیں اور جب اُن کے روبرو اُسکی آئتیں تلاوت کی جاتی ہیں ۔ تو (اُن کے) ایمان کو اور بڑھا دیتی ہیں ۔ اور وہ (ہر حال میں) اپنے رب پر توکّل رکھتے ہیں

�ہ (وہ خوش نصیب) لوگ ہیں جو نماز کو ہمیشہ ادا کرتے رہتے ہیں اور جو کچھ ہم نے اُنہیں عطا کیا ہے اُس (رزق) میں سے (اُس کی راہ میں) خرچ کرتے رہتے ہیں

(درحقیقت) یہی لوگ سچے مومن ہیں ۔ اؙن کے لئے اؙن کے رب کے پاس بڑے درجے ہیں اور مغفرت اور باوقار رﺰق ہے

(غزوہ بدر کے موقع پر) جس طرح آپۖ کا رب آپۖ کو حق کے ساتھ (جہاد کے لئے) آپۖ کے گھر سے نکال لایا تھا اور حقیقت یہ تھی کہ ایمان والوں میں سے ایک گروہ اس (بات) کو ناپسند کرتا تھا

وہ (لوگ) اس حق (کے معاملے) میں حقیقتِ حال واضح ہو جانے کے بعد بھی آپۖ سے بحث و تکرار کر رہے تھے ۔ گویا وہ آنکھوں دیکھے موت کی طرف ہانکے جا رہے ہیں

(وہ وقت بھی یاد کرو) جب اللہ نے تم سے (کفارِ مکہ کے) دو گروہوں میں سے کسی ایک (پرغلبہ و فتح) کا وعدہ فرمایا تھا کہ وہ تمہیں مل جائے گا ۔ اور تم یہ چاہتے تھے کہ غیر مسلّح (کمزور گروہ) تمہارے ہاتھ آئے اور اللہ کا ارادہ یہ تھا کہ وہ اپنے کلام کے ذریعے حق کو حق کر دکھائے اور کافروں کی جڑ کاٹ دے

تاکہ (معرکہ بدر کی شاندار فتح کے ذریعے) حق کو حق اور باطل کو باطل کر دکھائے ۔ اگرچہ (ان عادی) مجرموں کو یہ ناگوار ہی کیوں نہ گزرے

ما شاء الله

پارے مکمل ہوئےپارہ نمبر

(غزوہ بدر کی رات وہ وقت بھی یاد کرو) جب (اللہ تعالٰے) اپنی طرف سے تمہاری تسکین کے لئے تم پر اونگھ طاری کر رہا تھا ۔ اور آسمان سے تم پر پانی برسا رہا تھا تا کہ اس کے ذریعے تمہیں (ظاہراً و باطناً) طہارت و پاکیزگی عطا فرمائے اور تم سے شیطان (کے وسوسوں) کی نجاست کو زائل کر دے ۔ اور تمہارے دلوں کو (قوتِ یقین کے ساتھ) مضبوط کر دے اور اس کے ذریعے تمہارے قدموں کو (خوب) جمادے

(دورانِ جنگ وہ وقت بھی یاد کریں) جب آپۖ کا رب فرشتوں کو پیغام بھیج رہا تھا کہ (اصحابِ رسولۖ کی مدد کے لئے) میں بھی تمہارے ساتھ ہوں ، سو تم ایمان والوں کو ثابت قدم رکھو مَیں ابھی کافروں کے دلوں میں (غازیانِ اسلام کا ) رعب و دبدبہ ڈالے دیتا ہوں ، سو تم (ان کافروں کی) گردنوں کے اؙوپر سے ضرب لگاؤ ۔ اور ان کے ایک ایک پور پر چوٹ لگاؤ

�ہ اس لئے کہ اُنہوں نے اللہ اور اُس کے رسول (صلی اللہ علیہ وسلم) کی مخالفت کی اور جو اللہ اور اؙس کے رسول (صلی اللہ علی وسلم) کی مخالفت کرے تو پھراللہ بھی سخت سزا دینے والا ہے

�ہ ہے (تمہاری سزا) سو اس (کے مزے) کو ابھی چکھ لو ۔ اور (یاد رکھو) حق کا انکار کرنے والوں کے لئے آگ کا عذاب (بھی) ہے

اے ایمان والو ۔ جب میدانِ جنگ میں کافروں (کے لشکرِ جرار) سے تمہارا مقابلہ ہو جائے تو ہرگز اُن کی طرف سے اپنی پشتیں نہ پھیرنا

اور (ہاں) جو کوئی (جنگ کے) اُس روز اپنی پشت پھیرے گا ، بجز اس کے کہ جو (دورانِ جنگ) پینترا بدلے یا (اپنی) فوج کی طرف پناہ لینے آئے (وہ مستثنیٰ ہے ، باقی جس نے ایسا کیا) پس وہ اللہ کے غضب میں آگیا اور اس کا ٹھکانہ جہنم ہے اور وہ واپسی کی بہت ہی بُری جگہ ھے

(اے غازیانِ اسلام) اِن (کافروں) کو تم نے قتل نہیں کیا بلکہ اللہ نے اِنہیں قتل کر دیا اور (اے رسول صلی اللہ علیہ وسلم) جب آپۖ نے (کافروں کی طرف مٹھی بھر خاک) پھینکی تھی ، وہ آپۖ نے نہیں پھینکی تھی بلکہ اللہ نے پھینکی تھی ۔ (یہ سب اس لئے تھا کہ) وہ ایمان والوں کو ایک بہترین آزمائش سے (کامیابی کے ساتھ) گزار دے ۔ بے شک اللہ خوب سننے والا جاننے والا ہے

�ہ معاملہ تو تمہارے ساتھ ہے اور حقیقتِ حال (تو) یہ ہے کہ اللہ کا فروں کے مکرو فریب کو کمزور کرنے والا ہے

(اے کا فرو !) اگر تم (فیصلہ کُن) فتح چاہتے تھے تو یہ فتح تو (اہلِ ایمان کے حصے میں) آگئی اور اگر تم (اب بھی) باز آجاؤ تو تمہارے لئے بہتر ہے اور اگر تم پھر (اسی حماقت کا) اعادہ کرو گے تو ہم بھی اسی (سزا) کا اعادہ کریں گے اور تمہاری جمعیت کچھ بھی کام نہ آسکے گی خواہ وہ کتنی ہی زیادہ ہو ۔ اور (خوب سمجھ لو کہ) اللہ مومنوں کے ساتھ ہے

اے ایمان والو ۔ تم اللہ اور اسکے رسولۖ کی اطاعت کرو(جس طرح کہ اطاعت کا حق ہے) اور اس سے (ہرگز) رُوگردانی نہ کرنا جب کہ تم (رسول اللہ صلی الله علیه وسلم) کی بات کو سن رہے ہو