Surah Al-Mutaffifin

بربادی ہے (ناپ تول میں) کمی کرنے والوں کے لیے

(ان کا حال یہ ہے کہ) جب لوگوں سے ناپ تول کر لیتے ہیں ، تو پورا پورا لیتے ہیں

اور جب لوگوں کو ناپ کر یا تول کر دیتے ہیں تو گھٹا کر دیتے ہیں

کیا وہ اتنا بھی خیال نہیں کرتے کہ اُنہیں (روزِ قیامت) قبروں سے اُٹھایا جائے گا

ایک بڑے دن (کی پیشی) کے لیے

جس دن لوگ ربّ العٰالمین کے حضور کھڑے ہوں گے

�رگز نہیں ! بے شک بدکاروں کا نامہءِ اعمال سِجّین میں ہو گا

اور تم کیا جانو ! کیا ہے سِجّین ؟

ایک کتاب ہے لکھی ہوئی

اُس دن (دینِ حق) کو جھٹلانے والوں کے لیے بربادی ہوگی

(یہ وہ لوگ ہیں) جو جزا و سزا کے دن کو جھٹلاتے ہیں

اور اس (روزِ جزا) کو وہی شخص جھٹلاتا ہے جو حد سے گزرنے والا ، گنہگار ہے

جب اس کے سامنے ہماری آئتیں پڑھی جاتی ہیں تو کہتا ہے (کہ) یہ تو پہلے لوگوں کے قصے کہانیاں ہیں

�رگز نہیں ! دراصل ان کے دلوں پر زنگ چڑھ گیا ہے اُن کرتوتوں کے باعث جو وہ کیا کرتے تھے

�رگز نہیں ! (یقیناً) یہ لوگ اُس روز اپنے رب (کے دیدار) سے محروم رکھے جائیں گے

(اور اس کے بعد) پھر وہ ضرور جہنم میں داخل ہوں گے

پھر (ان سے) کہا جائے گا ۔ یہی وہ (جہنم) ہے جِسے تم جھٹلایا کرتے تھے

�رگز نہیں ! بے شک نیکو کاروں کا نامہءِ اعمال عِلّیّین میں ہوگا

اور تم کیا جانو ! کیا ہے عِلّیّین ؟

�ہ (بھی) ایک کتاب ہے لکھی ہوئی