Surah Al-Buruj

قسم ہے آسمان کی جو بُرجوں والا ہے

قسم ہے اُس دن (یعنی روزِ قیامت کی) جس کا وعدہ کیا گیا ہے

اور دیکھنے والے کی اور دیکھی جانے والی چیز کی

(کہ بےشک) ہلاک کر دیے گئے اصحبِ الاُخدوُد (کھائی کھودنے والے )

(جس میں) آگ تھی خوب دہکتی ہوئی

جب وہ اس (کے کنارہ) پر بیٹھے تھے

اور جو کچھ (ظلم وستم) وہ مومنین کے ساتھ کر رہے تھے (اور) اُسے دیکھ (بھی) رہے تھے

اور ان کی دشمنی ان مسلمانوں سے محض اس لیے تھی کہ وہ ایمان لائے تھے اللہ پر جو زبردست ہے ، سب خوبیوں کا مالک ہے

جس کے لیے آسمانوں اور زمین کی بادشاہی ہے اور الله ہر چیز کو خوب دیکھنے والا ہے

بےشک جن لوگوں نے مومن مرد اور مومن عورتوں کو ایذا دی (اور) پھر توبہ بھی نہ کی ۔ تو ان کے لیے جہنم کا عذاب ہے اور (وہاں) ان کے لیے جلائے جانے کی سزا ہے

(اس کے برعکس) جو لوگ ایمان لائے اور نیک عمل کرتے رہے اُن کے لیے باغات ہیں جن کے نیچے نہریں رواں ہیں ۔ یہی بہت بڑی کامیابی ہے

بےشک آپۖ کے رب کی پکڑ بڑی سخت ہے

بےشک وہی (اللہ) پہلی بار پیدا کرتا ہے اور وہی (اس عملِ تخلیق کو) دہرائے گا

اور وہی ہے بہت بخشنے والا ، (اپنے بندوں سے) بڑی محبت کرنے والا (سبحان الله)

عرش کا مالک ہے ، بزرگ و برتر ہے

جو چاہتا ہے ، کر گزرتا ہے

(اے حبیبۖ) کیا آپۖ کے پاس لشکروں کی خبر پہنچی ؟

(یعنی) فرعون اور ثمود (کے لشکروں) کی

بلکہ یہ کافر جھٹلانے میں مصروف ہیں

حالانکہ اللہ ان کو ہر طرف سے گھیرے ہوئے ہے