Surah Al-Qamar

قیامت (کی گھڑی) قریب آپہنچی اور چاند شق ہوگیا

اور اگر وہ (کفّار) کوئی نشانی دیکھتے ہیں تو منہ پھیر لیتے ہیں اور کہنے لگتے ہیں (یہ تو) ہمیشہ سے چلا آنے والا زبر دست جادو ہَے

اور اؙنہوں نے (اس کو بھی) جھٹلا دیا اور اپنی خواہشات کی پیروی کرتے رہے اور ہر کام (جس کا وعدہ کیا گیا ہے) مقررہ وقت پر ہونے والا ہے

اور بے شک اؙن کے پاس (پہلی قوموں کی بربادی کی) اتنی خبریں پہنچ چکی ہیں جن میں کافی سامانِ عبرت ہے

(وہ خبریں) سراسر حکمت ہیں ، تو کیا پھر بھی (اللہ کے عذاب سے) ڈرانے والے (رسول) کچھ فائدہ نہیں دیتے ؟

سو (اے رسولِ مکرم صلی اللہ علیہ وسلم) اِن سے رُخِ (انور) پھیر لیں ۔ جس روز ایک پکارنے والا (فرشتہ) ایک سخت ناگوار چیز (میدانِ حشر) کی طرف بلائے گا

سہمی ہوئی آنکھوں کے ساتھ اپنی قبروں سے (اس طرح) نکلیں گے گویا وہ بکھری ہوئی ٹڈیاں ہیں

پکارنے والے کی طرف دوڑے جا رہے ہوں گے ۔ (اؙس وقت) منکریں کہیں گے یہ دن تو بڑا کٹھن ہے

اِن سے پہلے قومِ نوحؑ نے بھی جھٹلایا تھا ۔ اؙنہوں نے ہمارے بندے (نوح علیہ السلام) کو جھوٹا قرار دیا ۔ اور کہا ۔ یہ تو دیوانہ ہے اور اُنہیں دھمکایا بھی گیا

سو اؙنہوں نے اپنے رب کو پکارا - " بے شک میں مغلوب ہو چکا میری مدد فرما "

تب ہم نے موسلادھار بارش کے لئے آسمان کے دروازے کھول دیئے

اور ہم نے زمین سے چشمے جاری کر دئیے ۔ سو (زمین و آسمان کا سارا) پانی ایک ہی کام کے لئے جمع ہو گیا جو (اُن کی ہلاکت کے لئے) مقدر ہو چکا تھا

اور ہم نے اؙنہیں تختوں اور میخوں والی (کشتی) میں سوار کر لیا

جو ہماری نگاہوں کے سامنے چلتی تھی ، یہ تھا بدلہ اؙس (ایک) شخص (نوح علیہ السلام) کی خاطر جس کی ناقدری کی گئی تھی

اور بے شک ہم نے اس (طوفان نوح کے آثار) کو نشانی کے طور پر باقی رکھا ۔ تو کیا ہے کوئی نصیحت قبول کرنے والا ؟

سو (دیکھ لو) کیسا تھا میرا عذاب اور کیسا تھا میرا ڈرانا ۔۔۔۔۔ ؟

اور بے شک ہم نے قرآن کو سمجھنے کے لئے آسان کر دیا تو ہے کوئی جو سوچے سمجھے ۔۔۔۔۔ ؟

قومِ عاد نے (بھی رسولوں کو) جھٹلایا تھا (تو دیکھ لو) کیسا تھا میرا عذاب اور کیسا (عبرتناک) رہا میرا ڈرانا ۔۔۔۔۔۔ ؟

بے شک ہم نے اُن پر تند و تیز آندھی بھیج دی ۔ ایک ایسے منحوس دن ہیں جس کی نحوست نہ ختم ہونے والی تھی

جو لوگوں کو اؙٹھا اؙٹھا کر اس طرح پھینک رہی تھی گویا وہ جڑ سے اؙکھڑے ہوئے کھجور کے تنے ہوں