Surah Al-Balad

نہیں ! میں قسم کھاتا ہوں اس شہرِ (مکّہ) کی

اور (جبکہ اے محبوبِ کریمۖ) آپۖ اس شہر میں تشریف فرما ہیں

اور قسم کھاتا ہوں (تمھارے) باپ (ابراہیمؑ) کی اور اُن کی اولاد کی

بےشک ہم نے انسان کو بڑی مشقت میں (زندگی بسر کرنے کے لیے) پیدا کیا ہے

کیا وہ خیال کرتا ہے کہ اس پر کسی کا بس نہیں چلے گا

(انسان) کہتا ہے میں نے ڈھیروں مال لُٹا دیا

کیا وہ سمجھتا ہے کہ اُسے کسی نے نہیں دیکھا (نہیں ایسا نہیں ہے ، درحقیقت اللہ تعالٰے انسان کے ہر عمل کو دیکھ رہا ہے)

کیا ہم نے اس کو دو آنکھیں نہیں عطا کیں (کہ ان سے صحیح اور غلط میں فرق پہچانے)

اور ایک زبان اور دو ہونٹ (کہ حق بات کہے)

اور ہم نے اس کو (نیکی اور بدی کے) دونوں نمایاں راستے دکھا دیے

مگر وہ (مجاہدے کی دشوار گزار) گھاٹی میں داخل ہی نہیں ہوا

اور تم کیا جانو ! کیا ہے وہ (مجاہدے کی دشوار گزار) گھاٹی

وہ (کسی غلام کی غلامی سے) گردن کا چھڑوانا ہے

�ا فاقے کے دن (خود بھوکے رہ کر کسی دوسرے کو) کھانا کھلانا ہے

�تیم کو جو (قریبی) رشتہ دار ہو

�ا کسی خاک نشین مسکین کو

پھر (ان اعمالِ خیر کے ساتھ مزید یہ کہ) وہ ایمان والوں میں سے ہو ۔ جو ایک دوسرے کو نصیحت کرتے ہیں ۔ صبر (و استقامت) کی اور ایک دوسرے کو نصیحت کرتے ہیں ، رحمدلی (اور ہمدردی) کی

�ہی (خوش نصیب) داہنے ہاتھ جاتے ہیں

اور جن (بدبختوں) نے ہماری آئتوں کا انکار کیا وہ بائیں ہاتھ والے میں

(روزِ قیامت) اُن پر آگ چھائی ہوئی ہوگی