Surah Al-Bayyinah

اہلِ کتاب اور مشرکین میں سے جو لوگ کافر تھے (وہ اپنے کفر سے ) باز آنے والے نہ تھے ۔ جب تک کہ ان کے پاس دلیلِ روشن نہ آتی

(یعنی) ایک رسولۖ ، اللہ کی طرف سے جو اِنہیں پاک صحیفے پڑھ کر سنائے

جن میں سچی اور درست باتیں لکھی ہوں

(اصل بات یہ ہے کہ) یہ اہلِ کتاب اس روشن دلیل (مراد حضرت محمدۖ) کے ان کے پاس آنے کے بعد ہی فرقوں میں بٹے

(حالانکہ شریعتِ محمدیۖ میں) اُن کو یہی حکم دیا گیا تھا کہ اللہ کی عبادت کریں ، دین کو اُس کے لیے خالص کرتے ہوئے ، بالکل یکسو ہو کر اور نماز قائم کریں اور زکوٰۃ ادا کریں اور یہی نہایت سچا دین ہے

اہلِ کتاب اور مشرکین میں سے جن لوگوں نے (حضرت محمدۖ کی نبوت کا) انکار کیا وہ یقیناً جہنم میں ہوں گے (اور) اس میں ہمیشہ رہیں گے ۔ یہی لوگ بدترین مخلوق ہیں

(اس کے برعکس اہلِ کتاب اور مشرکین میں سے) جو لوگ ایمان لائے (نبوت محمدیۖ پر) اور نیک اعمال کرتے رہے ۔ یہی لوگ بہترین مخلوق ہیں

ان کی جزا ان کے رب کے ہاں ہمیشہ رہنے کی جنّتیں ہیں ، جن کے نیچے نہریں رواں ہوگی ۔ وہ ان میں ہمیشہ ہمیشہ رہیں گے اللہ تعالٰی اُن سے راضی اور وہ اُس سے راضی ۔ یہ (سعادت) اُس کے لیے ہے جو اپنے ربّ (کی ناراضی) سے ڈرے