Surah Ash-Shu'ara

طاسین میم (حقیقی معانی اللہ تعالٰے اور رسول صلی اللہ علیہ وسلم ہی بہتر جانتے ہیں)

�ہ اؙس کتاب کی آیات ہیں جو (اپنا مُدعا) کھول کھول کر بیان کرتی ہے

(اے نبیِ کریم صلی اللہ علیہ وسلم) شائد آپۖ (اس غم میں) اپنی جان ہی کھو دو گے کہ یہ (کافر) ایمان نہیں لاتے !

اگر ہم چاہیں تو اِن پر آسمان سے (ایسی) نشانی اُتار دیں کہ ان کی گردنیں اس کے سامنے جُھکی کی جُھکی رہ جائیں

(مگر ان کا حال یہ ہے کہ) جب بھی اِن کے پاس الرحمٰن کی طرف سے کوئی نئی نصیحت آتی ہے تو یہ اس سے منہ پھیر لیتے ہیں

اب جبکہ یہ (حقیقت) کو جھٹلا چکے ہیں ۔ پس عنقریب اؙنہیں اؙس (امر) کی خبریں پہنچ جائیں گی جس کا وہ مذاق اؙڑایا کرتے تھے

اور کیا اؙنہوں نے زمین کی طرف نگاہ نہیں ڈالی کہ ہم نے اس میں طرح طرح کی نفیس (عمدہ) نباتات اؙگائی ہیں ؟

�قیناً اس میں (قدرتِ الٰہیہ کی) ایک بڑی نشانی ہے مگر ان میں اکثر ماننے والے نہیں

اور بے شک آپۖ کا رب سب پر غالب ، ہمیشہ رحم فرمانے والا ہے

اور (اِنہیں اُس وقت کی داستان بھی سنا دیں) جب آپۖ کے رب نے موسٰی (علیہ اسلام) کو آواز دی کہ ظالم قوم کی طرف جاؤ

(یعنی) قومِ فرعون کے پاس ۔۔۔۔۔۔ کیا وہ (اللہ کے غضب سے) بچنے والے نہیں ؟

موسیٰ (علیہ السلام) نے عرض کیا ۔ اے پالنے والے ! میں ڈرتا ہوں کہ وہ مجھے جھٹلا دیں گے

اور (ذمہ داری کے اس احساس کی وجہ سے) میرا سینہ تنگ ہو جاتا ہے اور میری زبان (بھی روانی سے) نہیں چلتی ۔ پس ہارونؑ کی طرف وحی بھیج دے (تاکہ وہ میرا معاون بن جائے)

اور مجھ پر اؙن کے ہاں ایک جرم کا الزام بھی ہے اس لئے میں ڈرتا ہوں کہ وہ مجھے قتل کر دیں گے

فرمایا ہرگز نہیں ۔ تم دونوں جاؤ ہماری نشانیاں لے کر ۔ ہم تمہارے ساتھ سب کچھ سنتے رہیں گے

پس تم دونوں فرعون کے پاس جاؤ اور کہو : ہم تمام جہانوں کے رب کے (بھیجے ہوئے) رسول ہیں

(ہمارے آنے کا مقصد یہ ہے کہ) تم بنی اسرائیل کو (آزادی دے کر) ہمارے ساتھ بھیج دو

(فرعون نے) کہا ۔ " کیا ہم نے تجھے اپنے ہاں بچہ سا نہیں پالا تھا ؟ اور تُو نے اپنی عمر کے کئی سال ہمارے ہاں گزارے

اور (پھر) تم نے اپنا وہ (کام) کر ڈالا جو تم نے کیا تھا (یعنی ایک قبطی کو مار ڈالا) تُو تو بڑا احسان فراموش ہے "

(موسٰیؑ نے) جواباً کہا ۔ (ٹھیک ہے مجھے اسکا اعتراف ہے مگر) اؙس وقت میں نے یہ کام نادانستگی میں کر دیا تھا (اس بات سے بے خبر کہ وہ قبطی میرے ایک گھونسے سے مر جائے گا)