Surah Luqman

الف لام میم (حقیقی معانی اللہ اور رسول صلی اللہ علیہ وسلم ہی بہتر جانتے ہیں)

�ہ کتابِ حکیم کی آیات ہیں

جو نیکو کاروں کے لئے ہدایت اور رحمت ہَے

جو لوگ نماز قائم کرتے ہیں اور زکوٰۃ دیتے ہیں اور آخرت پر یقین رکھتے ہیں

�ہی (خوش قسمت) لوگ اپنے رب کی طرف سے ہدایت پر ہیں اور یہی لوگ فلاح پانے والے ہیں

اور لوگوں میں سے کوئی ایسا بھی ہے جو بیہودہ کلام خرید لاتا ہے تاکہ بغیر جانے بُوجھے لوگوں کو اللہ کی راہ سے بھٹکا دیں اور اس (راہ) کا مذاق اُڑائیں ۔ اِنہی لوگوں کے لئے ذلیل کر دینے والا عذاب ہے

اور جب اس پر ہماری آیات پڑھ کر سنائی جاتی ہیں ، تو وہ بڑے گھمنڈ کے ساتھ اس طرح منہ پھر لیتا ہے ۔ گویا اس نے اِنہیں سنا ہی نہیں ، جیسے اس کے دونوں کان بہرے ہوں ۔ سو آپۖ اسے دردناک عذاب کی خوشخبری سنا دیں

البتہ جو لوگ ایمان لے آئیں اور نیک عمل کریں ان کے لئے نعمت بھرے باغات ہیں

(وہ) اؙن میں ہمیشہ رہیں گے ، یہ اللہ کا سچا وعدہ ہَے اور وہ غالب حکمت والا ہے

اؙس نے آسمانوں کو بغیر ستونوں کے بنایا (جیسا کہ) تم اؙنہیں دیکھ رہے ہو اور اؙس نے زمین میں (بلند و بالا) پہاڑ جما دیئے تاکہ وہ تمہیں لے کر ڈولتی نہ رہے اور اؙس نے اس میں ہر قسم کے جانور پھیلا دیئے اور ہم نے آسمان سے پانی اؙتارا اور ہم نے اس میں قسم قسم کی عمدہ نباتات اُگا دیں

�ہ تو ہے اللہ کی تخلیق ، اب (اے مشرکو) ذرا مجھے دکھاؤ اس کے سوا ان دوسروں نے کیا پیدا کیا ہے ؟ (کچھ بھی نہیں) مگر یہ ظالم صریح گمراہی میں پڑے ہوئے ہیں

اور ہم نے لقمان کو حکمت و دانائی عطا کی تھی (اور اس سے فرمایا) کہ اللہ کا شکر ادا کرو ۔ اور جو کوئی شکر ادا کرتا ہے وہ اپنے ہی بھلے کے لئے (شکر) کرتا ہے اور جو ناشکری کرتا ہے تو بے شک اللہ بے نیاز ، سب خوبیوں کا مالک ہے

اور (یاد کرو) جب لقمان اپنے بیٹے کو نصیحت کر رہا تھا (تو اس نے کہا) بیٹا اللہ کے ساتھ شرک نہ کرنا ، حقیقت تو یہ ہے کہ شرک بہت بڑا ظلم ہے

اور ہم نے انسان کو اس کے والدین کے بارے میں (حُسنِ سلوک کا) تاکیدی حکم فرمایا ۔ جسے اس کی ماں نے ضعف پر ضعف برداشت کر کے (اپنے پیٹ میں) اُٹھائے رکھا اور دو سال اس کا دودھ چھوٹنے میں لگے ۔ (اسی لئے ہم نے اس کو نصیحت کی) کہ تُو میرا شکر ادا کر اور اپنے والدین کا (بھی) ۔ (تجھے) میری ہی طرف لَوٹ کر آنا ہے

اور اگر وہ تجھ پر دباؤ ڈالیں کر میرے ساتھ کسی کو شریک کرے جس (کی حقیقت) کا تجھے کچھ علم نہیں تو ان کی بات نہ ماننا ۔ اور (البتہ) دنیا (کے کاموں) میں ان کے ساتھ نیک برتاؤ کرتے رہنا ۔ مگر اُس (شخص) کے راستے کی پیروی کرنا جس نے میری طرف رجوع کر رکھا ہو ۔ پھر تم سب نے میری ہی طرف پلٹ کر آنا ہے ۔ تو میں تمہیں اؙن کاموں کے بارے میں بتاؤں گا جو تم دنیا میں) کرتے رہے ہو

)(لقمان نے کہا) اے میرے بیٹے ! اگر کوئی چیز رائی کے دانے کے برابر بھی ہو ۔ پھر خواہ وہ کسی چٹان میں (چُھپی) ہو یا آسمانوں میں یا زمین میں (تب بھی) الله (روزِ قیامت) اُسے نکال لائے گا ۔ بے شک اللہ باریک بین باخبر ہے

اے میرے بیٹے ! نماز صحیح صحیح ادا کرتے رہنا ، نیکی کا حکم دو اور بُرائی سے منع کرتے رہو اور جو تکلیف تجھے پہنچے اس پر صبر کرو ۔ بے شک یہ بڑی ہمت کے کام ہیں

اور لوگوں سے (متکبرانہ انداز میں) اپنا رؙخ نہ پھیر ۔ اور زمین پر اکڑ کر مت چل ، کہ الله کسی خود پسند (اور) فخر جتانے والے کو پسند نہیں کرتا

اور اپنی چال میں میانہ روی اختیار کر اور اپنی آواز کو ذرا دھیما رکھا کر ، بے شک سب آوازوں سے بُری گدھوں کی آواز ہوتی ہے

کیا تم (لوگ) نہیں دیکھتے کہ اللہ نے تمہارے لئے اُن تمام (چیزوں) کو مسخّر کر رکھا ہے جو آسمانوں میں ہیں اور جو زمین میں ہیں ۔ اور اُس نے اپنی ظاہری اور باطنی نعمتیں تم پر پوری کر دی ہیں اور (اس پر حال یہ ہے کہ) لوگوں میں سے کچھ ایسے (بھی) ہیں جو (رسول اللہ صلی اللہ علیہ وسلم سے) اللہ کے بارے میں جھگڑا کرتے ہیں ۔ جب کہ (اؙن کے پاس) نہ کوئی علم ہے نہ ہدایت اور نہ ہی کوئی روشن کتاب