Surah Fussilat

حامیم (حقیقی معانی اللہ اور رسول صلی اللہ علیہ وسلم بہتر جانتے ہیں)

(اس کتاب کا) اُتارا جانا نہایت مہربان ، بہت رحم کرنے والے (ربّ) کی طرف سے ہے

ایک (ایسی) کتاب جس کی آیات خوب کھول کر بیان کی گئی ہیں ۔ قرآن جو عربی (زبان) میں ہے اُن لوگوں کے لئے جو علم و دانش رکھتے ہیں

(ایمان والوں کے لئے) خوشجری سنانے والا اور (منکرین کے لئے) ڈر سنانے والا ، مگر اکثر لوگوں نے (اس سے) منہ پھیر لیا ۔ وہ تو سنتے ہی نہیں

کہا (ان ہٹ دھرموں نے) جس بات کی طرف آپۖ ہمیں بلاتے ہیں ، ہمارے دل تو غلافوں میں (لپٹے ہوئے) ہیں اور ہمارے کانوں میں (بہرے پن) کا بوجھ ہے ۔ اور ہمارے اور آپۖ کے درمیان پردہ ہے ۔ سو آپۖ اپنا کام کریں ، ہم اپنا کام کرتے ہیں

(اے نبیۖ) آپۖ فرما دیجئے (بظاہر) مَیں تو ایک بشر ہوں تم جیسا ۔ (البتہ) مجھ پر وحی بھیجی جاتی ہے کہ تمہارا معبود ، معبودِ واحد ہے ۔ پس تم اؙسی کی طرف سیدھے متوجہ رہو اور اؙسی سے بخشش چاہو ۔ اور شرک کرنے والوں کے لئے ہلاکت ہے

جو زکوٰۃ ادا نہیں کرتے اور آخرت کا بھی انکار کرتے ہیں

(رہے) وہ لوگ جو ایمان لائے اور نیک اعمال بجا لاتے رہے ، یقیناً اؙن کے لئے نہ ختم ہونے والا اجر ہے

(اے نبیِ رحمتۖ) فرما د یجئے ۔ کیا تم اؙس (اللہ) کا انکار کرتے ہو اور دوسروں کو اؙس کا ہمسر ٹھہراتے ہو جس نے زمین کو دو دنوں میں بنا دیا ۔ وہی تو سارے جہانوں کا پروردگار ہے

اؙس نے (زمین کو وجود میں لانے کے بعد) اؙوپر سے اس میں (بھاری) پہاڑ جما دیئے ۔ اور اس کے اندر (معدنیات ، قدرتی وسائل ، آبی ذخائر اور دیگر نعمتوں کی) برکتیں رکھ دیں ۔ اور اس میں (جملہ مخلوق کے لئے) ٹھیک اندازے کے مطابق خوراک مہیا کردی ۔ (یہ سب کام) چار دنوں میں ہو گئے ۔ (یہ سارا رزق) تمام طلب گاروں کے لئے یکساں ہے

پھر آسمان کی طرف توجہ فرمائی اور وہ (اس وقت) دھواں سا تھا ۔ تو اُس نے اسے اور زمین سے فرمایا ۔ وجود میں آجاؤ خواہ تم چاہو یا نہ چاہو ۔ دونوں نے کہا ۔ " ہم آ گئے فرماں برداروں کی طرح "

تب اُس نے دو دنوں میں سات آسمان بنا دیئے ۔ اور ہر آسمان میں اسی کا قانون وحی کر دیا ۔ اور آسمانِ دنیا کو ہم نے چراغوں (یعنی ستاروں اور سیاروں سے) مزیّن کیا اور اِسے خوب محفوظ کر دیا ۔ یہ سب کچھ ایک زبردست ، علیم ہستی کا منصوبہ ہے

پس اگر وہ (پھر بھی) منہ پھیر لیں تو آپۖ فرما دیں ۔ کہ میں تم کو اؙسی طرح کے اچانک ٹوٹ پڑنے والے (عذاب) سے ڈراتا ہوں جیسا قومِ عاد اور ثمود پر (نازل ہوا تھا)

جب (اللہ کے) رسول اُن کے پاس آگے اور پیچھے (ہرطرف) سے آئے (اور کہا) اللہ کے سوا کسی کی عبادت نہ کرو ۔ تو وہ کہنے لگے ۔۔۔۔ اگر ہمارا رب چاہتا تو فرشتوں کو اؙتار دیتا ۔ لہذا ہم اؙس (بات) کو نہیں مانتے جس کے لئے تم بھیجے گئے ہو

پھر جو عاد تھے وہ زمین میں ناحق تکبر کرنے لگے ۔ اور کہنے لگے (بھلا) ہم سے بڑھ کر طاقت ور کون ہے ؟ ۔ اؙنہیں یہ نہ سُوجھا کہ اللہ جس نے اؙنہیں پیدا کیا ہے وہ اؙن سے کہیں بڑھ کر قوت والا ہے ؟ ۔ (لیکن) وہ (بد نصیب) ہماری آیات کا انکار ہی کرتے رہے

سو ہم نے اُن پر منحوس دنوں میں تند و تیز طوفانی آندھی بھیج دی تاکہ اؙنہیں دنیا کی زندگی ہی میں ذلت و رسوائی کے عذاب کا مزا چکھا دیں ۔ اور آخرت کا عذاب اس سے بھی زیادہ رؙسوا کُن ہوگا ۔ اور اُن کی کوئی مدد بھی نہ کی جائے گی

اور جو ثمود تھے ، سو ہم نے اؙنہیں راہِ ہدایت دکھائی ۔ تو اؙنہوں نے ہدایت کے مقابلہ میں اندھا بنا رہنا پسند کیا ۔ تو اؙنہیں (بجلی کی) کڑک کے رسوا کُن عذاب نے آ پکڑا ۔ (یہ عذاب) اؙن کرتوتوں کے بدلے میں (تھا) جو وہ کیا کرتے تھے

اور ہم نے اؙن لوگوں کو بچا لیا جو ایمان لائے تھے اور (بد عملی سے) پرہیز کرتے تھے

(ذرا خیال کرو) اُس دن کا جب اللہ کے دشمنوں کو جمع کر کے آتشِ (جہنم) کی طرف لایا جائے گا ۔ پھر اؙنہیں (اؙن کے اگلوں اور پچھلوں کے آنے تک) روک رکھا جائے گا

�ہاں تک کہ جب وہ (دوزخ کے) قریب پہنچ جائیں گے تو (اس وقت حساب شروع ہوگا) تو اؙن کے کان اور اُن کی آنکھیں اور اؙن (کے جسموں) کی کھالیں ان کے (اعمال کے) خلاف گواہی دیں گی جو وہ (دنیا میں) کیا کرتے تھے