Surah At-Tariq

قسم ہے آسمان کی اور کھٹکھانے والے کی

اور تم کیا جانو ! کیا ہے ؟ کھٹکھٹانے والا

انتہائی چمکدار ستاره

کوئی جان ایسی نہیں جس پر کوئی نگہبان (فرشتہ مقرر) نہ ہو

سو انسان ذرا غور کرے کہ (وہ) کس چیز سے پیدا کیا گیا ہے

اُسے (ایک) اُچھلنے والے پانی سے پیدا کیا گیا ہے

جو پیٹھ اور پسلیوں کے درمیان سے نکلتا ہے

بے شک (وہ پہلی بار پیدا بار پیدا کرنے والا خالق ) اس کو پھر واپس لانے پر قادر ہے

اُس دن جب دِلوں کے بھید پرکھے جائیں گے

تو نہ انسان کے پاس (خود) کوئی زور ہوگا (کہ وہ اپنے اختیار سے کچھ کر سکے) اور نہ کوئی دوسرا اس کا مدد گار ہوگا

قسم ہے آسمان کی جو مینہ برساتا ہے

اور قسم ہے زمین کی جو (اِس بارش سے اُگنے والی نباتات کی وجہ سے) پھٹ جاتی ہے

کہ یہ قرآن ایک فیصلہ کُن کلام ہے

اور کوئی ہنسی مذاق (کی بات) نہیں ہے

�ہ (مشرک) لوگ (دینِ اسلام اور اے حبیبِ کریمۖ ، آپۖ کے خلاف) خُفیہ سازش کر رہے ہیں

اور میں بھی خُفیہ تدبیر فرما رہا ہوں

پس (اے نبیۖ) آپۖ کافروں کو (تھوڑی سی) مہلت اور دے دیں (اور) کچھ وقت انہیں کچھ نہ کہیں