Surah As-Saff

اللہ کی تسبیح بیان کی ہے پر اؙس (چیز) نے جو آسمانوں میں ہے اور زمین ہیں ۔ اور وہ غالب حکمت والا ہے

اے ایمان والو ۔ تم وہ بات کیوں کہتے ہو جو کرتے نہیں ہو

اللہ کے نزدیک یہ سخت ناپسندیدہ بات ہے کہ تم وہ بات کہو جو خود کرتے نہیں ہو

بےشک اللہ اُن لوگوں کو پسند کرتا ہے جو اؙس کی راہ میں (اس طرح) صف بستہ ہو کر لڑتے ہیں گویا وہ سیسہ پلائی دیوار ہوں

اور (یاد کرو) جب موسی (علیہ السلام) نے اپنی قوم سے کہا ۔ اے میری قوم ! تم مجھے اذیت کیوں دیتے ہو ، حالانکہ تم خوب جانتے ہو کہ بے شک میں تمہاری طرف اللہ کا بھیجا ہوا رسول ہوں ۔ پھر جب اس (فہمائش پر بھی) وہ لوگ ٹیڑھے ہی رہے تو اللہ نے اؙن کے دلوں کو اور (زیادہ) ٹیڑھا کر دیا ۔ اور اللہ (ایسے) نافرمانوں کو ہدایت (کی توفیق) نہیں دیتا

اور (وہ وقت بھی یاد کرو) جب عیسٰیؑ ابن مریم نے کہا : اے بنی اسرائیل ، بے شک میں تمہاری طرف اللہ کا بھیجا ہوا رسول ہوں ۔ اپنے سے پہلی کتاب تورات کی تصدیق کرنے والا ہوں ، اور بشارت دینے والا ہوں اس رسولۖ (معظّم) کی جو میرے بعد تشریف لائیں گے ، جن کا نام احمدۖ ہوگا ۔ پس جب وہ (رسولۖ آخر الزّماں صلی اللہ علیہ وسلم) واضح نشانیاں لے کر تشریف لے آئے تو اؙنہوں نے کہا ۔ یہ تو کھلا جادو ہے

اور اب بھلا اؙس شخص سے بڑھ کر ظالم اور کون ہوگا جو اللہ پر جھوٹا بہتان باندھے ۔ حالانکہ اؙسے اسلام کی طرف بلایا جارہا ہے ۔ اور اللہ (ایسے) ظالم لوگوں کو ہدایت نہیں دیا کرتا

�ہ ( منکرین حق) چاہتے ہیں کہ وہ اللہ کے نور (یعنی دین اسلام) کو اپنے منہ (کی پھونکوں) سے بجھا دیں لیکن (اللہ کا فیصلہ یہ ہے کہ) وہ اپنے نور کو کمال تک پہنچا کر رہے گا ۔ خواہ کافروں کو کتنا ہی ناگوار ہو

وہ (اللہ) ہی تو ہے جس نے اپنے رسول (صلی اللہ علیہ وسلم) کو ہدایت اور دین حق کے ساتھ بھیجا ۔ تاکہ اُسے سب ادیان پر غالب کر دے ۔ خواہ مشرکین کو کتنا ہی ناگوار ہو

اے ایمان والو ۔ کیا میں تمہیں ایک ایسی تجارت بتا دوں جو تمہیں درد ناک عذاب سے بچا لے ؟

(وہ تجارت یہ ہے کہ) تم ایمان رکھو الله پر اور اؙس کے رسولۖ پر اور اللہ کی راہ میں مال و جان سے جہاد کرو ۔ یہی (طریقہ) تمہارے حق میں بہتر ہے ۔ اگر تم جانو

(اگر تم ایسا کروگے تو) وہ تمہارے گناہوں کو بخش دے گا اور تمہیں ایسے (سدا بہار) باغات میں داخل کردے گا جن کے دامن میں نہریں رواں دواں ہیں ۔ اور نہایت صاف ستھری رہائش گاہوں میں (ٹھہرائے گا) جو ہمیشہ رہنے والی جنّتوں میں موجود ہیں ۔ یہی سب سے بڑی کامیابی ہے

اور اس (اؙخروی نعمت کے علاوہ) ایک دوسری چیز جو تمہیں بہت پسند ہے (یعنی دنیاوی نعمت) وہ بھی (تمہیں عطا فرمائے گا) ۔ اور وہ ہے اللہ کی طرف سے نصرت اور کو جلد ملنے والی فتح (یعنی فتح مکہ اور فارس و روم کی فتوحات) ۔ اور (اے حبیبۖ) آپۖ مومنوں کو خوشخبری سنا دیں

اے لوگو جو ایمان لائے ہو ، تم اللہ کے (دین کے) مدد گار بن جاؤ ۔ جس طرح عیسٰیؑ ابن مریم نے (اپنے) حواریوں سے کہا تھا : " اللہ کی طرف ( بلانے میں) میرا مدد گار کون ہے ؟ " ۔ حواریوں نے جواب دیا ۔ " ہم اللہ کے (دین کے) روگار ہیں " ۔ پس بنی اسرائیل کا ایک گروہ ایمان لے آیا اور دوسرے گروہ نے انکار کر دیا ۔ پھر ہم نے اُن لوگوں کی جو ایمان لے آئے تھے اُن کے دشمنوں کے مقابلے میں مدد فرمائی ۔ بالاآخر وہی غالب رہے