Surah Al-Ankabut

الف ، لام ، میم (حقیقی معانی اللہ اور رسولۖ ہی بہتر جانتے ہیں)

کیا لوگوں نے یہ سمجھ رکھا ہے کہ بس اتنا کہنے پر چھوڑ دیئے جائیں گے کہ " ہم ایمان لے آئے " ۔ اور اؙنہیں آزمایا نہ جائے گا

اور بے شک ہم نے اؙن لوگوں کو (بھی) آزمایا تھا جو ان سے پہلے گزرے ہیں ۔ سو یقیناً اللہ ان لوگوں کو (بذریعہ آزمائش) ضرور نمایاں فرمائے گا جو (دعوٰیِ ایمان میں) سچے ہیں اور جھوٹوں کو بھی ظاہر کر دے گا

اور کیا وہ لوگ جو (اسلام کے خلاف) بُری حرکتیں کر رہے ہیں وہ یہ خیال کئے بیٹھے ہیں کہ وہ ہم سے بازی لے جائیں گے ۔ بڑا غلط فیصلہ ہے جو وہ کر رہے ہیں

جو شخص اللہ سے ملاقات کی اُمید رکھتا ہے (اُسے معلوم ہونا چاہئیے کہ) بے شک اللہ کا مقرر کردہ وقت ضرور آنے واللہ ہے ۔ اور وہی سب کچھ سنتا جانتا ہے

اور جو شخص (راہِ حق میں) جد و جہد کرتا ہے تو وہ اپنے ہی (بھلے کے) لئے مجاہدہ کرتا ہے ۔ اللہ یقیناً سب جہان والوں سے بے نیاز ہے

اور جو لوگ ایمان لائے اور نیک اعمال کرتے رہے تو ہم اُن کی ساری خطائیں ان (کے نامہءِ اعمال) سے مٹا دیں گے ۔ اور جو اعمال وہ (فی الواقع) کرتے رہے تھے اؙنہیں ان سے بہتر جزا عطا فرمائیں گے

اور ہم نے انسان کو ہدایت کی ہے کہ وہ اپنے والدین کے ساتھ نیک سلوک کرئے ۔ (اے مخاطب) اور اگر وہ تجھ پر زور ڈالیں کہ تُو میرے ساتھ کسی ایسے (معبود) کو شریک ٹھہرائے جس (کی حقیقت) کا تجھے علم نہیں تو (اس بات میں) اُن کی اطاعت نہ کر ۔ (اور یاد رکھو) میری طرف ہی تمہیں لوٹنا ہے ۔ پھر میں تمہیں اُن (کاموں) سے آگاہ کروں گا جو تم (دنیا میں) کیا کرتے تھے

اور جو لوگ ایمان لائے اور نیک اعمال کرتے رہے ہم اُنہیں ضرور صالحین (یعنی نیکوکاروں کے گروہ) میں داخل کریں گے

اور لوگوں میں ایسے بھی ہیں جو کہتے ہیں کہ ہم اللہ پر ایمان لے آئے ۔ پھر جب اؙنہیں اللہ کی راہ میں (کوئی) تکلیف پہنچائی گئی تو اؙنہوں نے لوگوں کی آزمائش کو اللہ کے عذاب کی طرح سمجھ لیا ۔ اب اگر آپۖ کے رب کی طرف سے کوئی مدد آ پہنچے تو یقیناُ وہ کہیں گے " ہم تو تمہارے ساتھ تھے " ۔ کیا اللہ اؙن باتوں کو نہیں جانتا جو جہان والوں کے سینوں میں (پوشیدہ) ہیں ؟

اور اللہ ضرور ایسے لوگوں کو نمایاں فرمائے گا جو (دل سے) ایمان لائے ہیں ۔ اور منافقوں کو (بھی) ضرور ظاہر کر دے گا

اور کافر لوگ ایمان والوں سے کہتے ہیں کہ تم ہمارے طریقہِ (زندگی) کی پیروی کرو اور ہم تمہاری خطاؤں (کے بوجھ) کو اؙٹھا لیں گے ۔ حالانکہ ان خطاؤں میں سے وہ کچھ بھی اپنے اوپر لینے والے نہیں ۔ وہ قطعاً جھوٹ کہتے ہیں

�اں وہ اپنے (گناہوں کے) بوجھ تو ضرور اُٹھائیں گے اور اپنے بوجھوں کے ساتھ دوسرے بہت سے بوجھ (بھی اٹھائیں گے) ۔ اور روزِ قیامت اُن سے اِن (بہتانوں) کے بارے میں ضرور پوچھ گچھ ہوگی جو وہ گھڑا کرتے تھے

اور بے شک ہم نے نوح (علیہ اسلام) کو ان کی قوم کی طرف بھیجا ۔ تو وہ اؙن کے درمیان پچاس کم ایک ہزار سال تک رہے ۔ پھر ان لوگوں کو طوفان نے آ پکڑا ، اِس حال میں کہ وہ ظالم تھے

پھر ہم نے نوحؑ کو اور (ان کے ہمراہ) کشتی والوں کو بچا لیا ۔ اور ہم نے (طوفانِ نوحؑ کو) تمام جہان والوں کے لئے نشانِ (عبرت) بنا کر رکھ دیا

اور (یاد کرو) ابراہیم (علیہ اسلام) کو جب اؙنہوں نے اپنی قوم سے فرمایا ۔ کہ تم اللہ کی عبادت کرو اور اُس (کی ناراضی) سے بچو ۔ یہی تمہارے حق میں بہتر ہے ، اگر تم جانو

تم اللہ کو چھوڑ کر جنہیں پوج رہے ہو وہ تو (محض) بُتّ ہیں اور تم جھوٹ گھڑتے ہو ۔ بے شک اللہ کے سوا تم جن کی پوجا کرتے ہو وہ تمہارے رزق کے مالک نہیں ہیں ۔ پس تم اللہ کی بارگاہ سے رزق طلب کیا کرو اور اُسی کی عبادت کیا کرو اور اُسی کا شکر بجا لایا کرو ۔ اور تم اُسی کی طرف لوٹائے جاؤ گے

اور اگر تم جھٹلاتے ہو تو (یہ کوئی نئی بات نہیں) یقیناً تم سے پہلے (بھی) کئی اؙمتیں جھٹلا چکی ہیں ۔ اور رسولۖ پر کھول کر پیغام پہنچا دینے کے سوا کوئی ذمہ داری) نہیں

)کیا اِن لوگوں نے کبھی دیکھا ہی نہیں کہ اللہ کس طرح تخلیق کی ابتدا کرتا ہے ۔ پھر (اِسی طرح) اسکا اعادہ فرماتا ہے ۔ یقیناً یہ (اعادہ تو) اللہ کے لئے آسان تر ہے

فرمائیے ، زمین میں چل پھر کر دیکھو کہ اُس نے مخلوق کی (زندگی کی) ابتدا کیسے فرمائی پھر اللہ دوسری بار بھی زندگی بخشے گا ، یقیناً اللہ ہر چیز پر قادر ہے