Surah An-Nur

�ہ ایک (عظیم) سُورت ہے ۔ جِسے ہم نے نازل کیا ہے ۔ اور ہم نے اِس (کے احکام) کو فرض ٹھہرایا ہے ۔ اس میں نہایت واضح (متنبّہ کر دینے والی) آیات بھی اؙتاری ہیں ۔ تاکہ تم نصیحت قبول کرو

بدکار عورت اور بدکار مرد (اگر غیر شادی شدہ ہیں) تو ان دونوں کو (ان کا جرم ثابت ہو جانے پر) سو (سو) کوڑے مارو ۔ اور تمہیں ان دونوں پر اللہ کے دین (کے حکم کے اجرا) میں ذرا (بھی) ترس نہیں آنا چاہئیے اگر تم اللہ اور یومِ آخرت پر ایمان رکھتے ہو ۔ اور ان دونوں کو سزا دیتے وقت اہلِ ایمان کا ایک گروہ بھی (وہاں) موجود ہونا چاہئے

بدکار مرد سوائے بدکار عورت یا مشرکہ عورت کے (کسی پاکیزہ عورت سے) نکاح (کرنا پسند) نہیں کرتا اور بدکار عورت سے (بھی) سوائے بدکار مرد یا مُشرک کے کوئی (صالح مرد) نکاح (کرنا پسند) نہیں کرتا ۔ یہ (فعلِ زنا) ایمان والوں پر حرام کر دیا گیا ہے

اور جو لوگ پاک دامن عورتوں پر (بدکاری کی) تہمت لگائیں پھر چار گواہ پیش نہ کر سکیں تو تم اؙنہیں (سزائے قذف کے طور پر) اَسّی کوڑے لگاؤ اور ان کی گواہی کبھی بھی قبول نہ کرو ۔ اور یہی لوگ بدکردار ہیں

سوائے اُن لوگوں کے جو اس کے بعد تائب ہو جائیں اور (اپنی) اصلاح کرلیں (وہ اللہ کے نزدیک فاسق نہ رہیں گے) تو بے شک اللہ (اؙن کے لئے) بخشنے والا ، رحم فرمانے والا ہے

اور جو لوگ اپنی بیویوں پر (بدکاری کی) تہمت لگائیں اور اؙن کے پاس اپنے سوا کوئی گواہ نہ ہوں تو ایسے کسی بھی ایک شخص کی گواہی یہ ہے کہ وہ چار مرتبہ اللہ کی قسم کھا کر گواہی دے کہ وہ (تہمت لگانے میں) سچا ہے

اور پانچویں مرتبہ یہ کہے کہ اؙس پر اللہ کی لعنت ہو اگر وہ جھوٹا ہو

اور (اِسی طرح) اس (عورت) سے (بھی) سزا ٹل سکتی ہے کہ وہ چار مرتبہ اللہ کی قَسم کھا کر (خود) گواہی دے کہ بے شک وہ (مرد اس الزام تراشی میں) جھوٹا ہے

اور پانچویں مرتبہ یہ کہے کہ اس (بندی) پر اللہ کا غضب ہو اگر یہ (مرد اپنے الزام میں) سچا ہو

(ایمان والو) اگر تم پر اللہ کا فضل اور اؙسکی رحمت نہ ہوتی (تو تم بڑی الجھنوں میں پڑ جاتے) اور بے شک اللہ بڑا توبہ قبول کرنے والا حکمت والا ہے

جو لوگ (اُم المؤمنین سیدہ عائشہ صدیقہ پر) یہ بہتان گھڑ لائے ہیں وہ تمہارے ہی اندر کا ایک ٹولہ ہے ۔ تم اس (بہتان کے واقعہ) کو اپنے حق میں بُرا مت سمجھو بلکہ یہ بھی تمہارے لئے خیر ہی ہے ۔ جس نے اس میں جتنا حصہ لیا اؙس نے اؙتنا ہی گناہ سمیٹا ۔ اور ان میں سے جس نے اس (بہتان) میں سب سےزیادہ حصہ لیا اؙس کے لئے تو عذابِ عظیم ہے

ایسا کیوں نہ ہُوا کہ جب تم نے اس (بہتان) کو سنا تھا تو مومن مرد اور مومن عورتیں اپنوں کے بارے میں نیک گمان کر لیتے اور کہہ دیتے کہ یہ صریح بہتان ہے

�ہ (الزام لگانے والے) اس (الزام) پر چار گواہ کیوں نہ لائے پھر جب وہ گواہ نہیں لا سکے تو اللہ کے نزدیک یہی جھوٹے ہیں

اور اگر تم پر دنیا اور آخرت میں اللہ کا فضل اور اؙسکی رحمت نہ ہوتی تو جس (تہمت) کے پھیلانے میں تم پڑ گئے تھے اس پر تمہیں کوئی بڑا عذاب آ پکڑتا

(ذرا خیال کرو) جب تم اس (بات) کو (ایک دوسرے سے سن کر) اپنی زبانوں پر لاتے رہے اور اپنے مونہوں سے وہ کچھ کہتے رہے جس کا (خود) تمہیں کوئی علم ہی نہ تھا ۔ اور تم اس کو معمولی بات سمجھ رہے تھے ؟ حالانکہ وہ اللہ کے نزدیک بہت بڑی (جسارت) تھی

تم نے اس کو سنتے ہی کیوں نہ کہہ دیا کہ ہم کو زیبا نہیں کہ ہم ایسی بات زبان پر لائیں ۔ سبحان اللہ ، یہ تو ایک بہتانِ عظیم ہے

اللہ تمہیں نصیحت کرتا ہے کہ اگر تم ایمان والے ہو تو پھر کبھی بھی ایسا نہ کرنا

اللہ تمہارے لئے اپنی آئتوں کو کھول کھول کر بیان فرماتا ہے اور اللہ خوب جاننے والا ، بڑی حکمت والا ہے

بے شک جو لوگ اس بات کو پسند کرتے ہیں کہ مسلمانوں میں بے حیائی پھیلے ان کے لئے دنیا میں بھی درد ناک عذاب ہے اور آخرت میں بھی ۔ اور اللہ (ایسے لوگوں کے بُرے عزائم کو) جانتا ہے اور تم نہیں جانتے

اور اگر اللہ کا فضل اور اؙس کا رحم و کرم تم پر نہ ہوتا (تو یہ بات جو ابھی تمہارے اندر پھیلائی گئی تھی ، بدترین نتائج دکھا دیتی مگر) اس میں شک نہیں کہ اللہ بڑی شفقت فرمانے والا ، رحم کرنے والا ہے