Surah Al-Jathiyah

حامیم (حقیقی معنی اللہ اور رسول صلی اللہ علیہ وسلم ہی بہتر جانتے ہیں)

(اس) کتاب کا نزول الله کی طرف سے ہَے جو سب پر غالب ، بڑی حکمت والا ہے

بلا شبہ آسمانوں اور زمین میں ایمان لانے والوں کے لئے (بے شمار) نشانیاں ہیں

اور تمہاری (اپنی) پیدائش میں اور اؙن حیوانات میں جنہیں وہ (زمین میں) پھیلا رہا ہے ، یقین کرنے والوں کے لئے نشانیاں ہیں

اور شب و روز کے آگے پیچھے آنے جانے میں اور (بصورتِ بارش) اؙس رزق میں جِسے اللہ آسمان سے اُتارتا ہے پھر اس سے بنجر شدہ زمین کو (دوبارہ سرسبز و شاداب کرکے) زندہ کرتا ہے اور (اِسی طرح) ہواؤں کے ادھر سے اؙدھر جانے میں ، اُن لوگوں کے لئے نشانیاں ہیں جو عقل و شعور رکھتے ہیں

�ہ اللہ کی (قدرت کی) سب نشانیاں ہیں جنہیں ہم پوری سچائی کے ساتھ (اے نبی صلی اللہ علیہ وسلم) آپۖ پر بیان کرتے ہیں ، پھر کونسی ایسی بات ہے جس پر وہ اللہ اور اؙس کی آئیتوں کے بعد ایمان لائیں گے ؟

پر بہتان تراش جھوٹے (اور) بد اعمال شخص کے لئے ہلاکت ہے

جس کے سامنے اللہ کی آیات پڑھ کر سنائی جاتی ہیں (اور) وہ اؙنہیں سنتا ہے ۔ پھر پورے متکبرانہ انداز کے ساتھ (اپنے کفر پر) اڑا رہتا ہے ۔ گویا کہ اُس نے انہیں سنا ہی نہیں تو آپۖ اُسے دردناک عذاب کی بشارت دے دیں

�ماری آئیتوں میں سے جب کوئی بات اس کے علم میں آتی ہے تو وہ اس کا مذاق بنا لیتا ہے ۔ ایسے ہی لوگوں کے لئے ذلت کا عذاب ہے

اُن کے آگے پیچھے جہنم ہے ۔ جو کچھ اؙنہوں نے (اس دنیا کی زندگی میں) کمایا ، اُن کے کچھ کام نہیں آئے گا اور نہ وہ (بُت) جنہیں اللہ کو چھوڑ کر کارساز بنا رکھا تھا ، اُن کے لئے بڑا عذاب ہے

�ہ (قرآن) سراپا ہدایت ہے اور جن لوگوں نے اپنے رب کی آیات کا انکار کیا اُن کے لئے بَلا کا دردناک عذاب ہے

وہ اللہ ہی تو ہے جس نے سمندر کو تمہارے لئے مسخّر کر دیا تاکہ اؙس کے حکم سے اِس میں کشتیاں رواں دواں رہیں اور تم (بحری تجارت سے) اؙس کا فضل تلاش کرو اور اس لئے بھی کہ تم اُس کا شکر ادا کرتے رہو

اور (صرف یہی نہیں بلکہ) اؙس نے (تو) تمہارے لئے جو کچھ آسمانوں میں ہے اور جو کچھ زمین میں ہے سب کا سب اپنی طرف سے مسخّر کر دیا ہے ۔ اس میں غور و فکر کرنے والوں کے لئے (بڑی) نشانیاں ہیں

(اے نبی صلی اللہ علیہ وسلم) آپۖ اہلِ ایمان سے فرما دیجئے کہ اُن لوگوں کے بارے میں درگزر سے کام لیں جو اللہ کے دنوں کی (آمد کی) اؙمید اور خوف نہیں رکھتے ۔ تاکہ وہ اُن لوگوں کو اُن (کی بداعمالیوں) کا پورا پورا بدلہ دے دے جو وہ کمایا کرتے تھے

جس نے جو نیک عمل کیا اپنے ہی (بھلے کے) لئے کیا اور جس نے برائی کی تو (اس کا وبال بھی) اؙسی پر ہو گا ۔ پھر تم سب اپنے رب کی طرف لوٹائے جاؤ گے

اور بے شک (اس سے پہلے) ہم نے بنی اسرائیل کو کتاب اور حکومت اور نبوت سے نوازا تھا اور اؙنہیں پاکیزہ چیزوں سے رزق دیا اور اؙنہیں (اُن کے ہم عصر) تمام جہانوں پر فضیلت بخشی

اور دین کے معاملہ میں ہم نے اؙنہیں واضح دلائل دیئے پھر اؙن کے درمیان جو اختلاف رونما ہوا وہ (کتاب کا) علم آ جانے کے بعد محض باہمی بُغض و عناد کی بِنا پر ہُوا ، بے شک آپۖ کا رب روزِ قیامت اُن کے درمیان (أن معاملات کا) فیصلہ فرمادے گا جن میں وہ اختلاف کیا کرتے تھے

پھر ہم نے (اے محمد صلی اللہ علیہ وسلم) آپۖ کو دین کے معاملہ میں ایک شریعت (یعنی واضح راستے) پر مامور فرما دیا ، پس آپۖ اسی (راستے) پر چلتے جائیے اور اُن لوگوں کی خواہشات کی پیروی نہ کریں جو (شریعتِ محمدیۖ کا) علم نہیں رکھتے

�قیناً یہ لوگ اللہ کے مقابلے میں قطعاً آپۖ کے کام نہیں آئیں گے اور بے شک ظالم لوگ ایک دوسرے کے ساتھی ہیں اور اللہ متقین کا حامی و مددگار ہے

�ہ بصیرت کی روشنیاں ہیں سب لوگوں کے لئے اور ہدایت و رحمت ہے یقین رکھنے والوں کے لئے