Surah As-Saffat

قطار در قطار صف باندھنے والے (فرشتوں) کی قسم

پھر اؙن (فرشتوں) کی قسم جو (نا فرمانوں اور مجرموں کو) ڈانٹتے جھڑکتے ہیں

پھر اُن کی قَسم جو کلامِ نصیحت (یعنی قرآنِ پاک) کی تلاوت کرنے والے ہیں

بے شک تمہارا معبود بَس ایک ہی ہے

وہ جو آسمانوں اور زمین کا رب ہے اور جو ان دونوں کے درمیان ہے اور مشرق میں طلوعِ آفتاب کے تمام مقامات کا رب ہے

بے شک ہم نے آسمانِ دنیا کو ستاروں کی زینت سے آراستہ کر دیا

اور اِنہیں ہر سرکش شیطان سے محفوظ کر دیا

وہ (شیاطین) عالمِ بالا کی باتیں نہیں سُن سکتے ۔ اور اُن پر ہر طرف سے (انگارے) پھینکے جاتے ہیں

اُن کو بھگانے کے لئے ، اور اؙن کے لئے دائمی عذاب ہے

مگر جو (شیطان) ایک بار جھپٹ کر (فرشتوں کی کوئی بات ) اُچک لے تو چمکتا ہوا انگارہ اس کا پیچھا کرتا ہے

پس آپۖ اِن سے پوچھئے اِن کی پیدائش زیادہ مشکل ہے یا اؙن (چیزوں) کی جو ہم نے پیدا کر رکھی ہیں ؟ بے شک ہم نے ان کو لیس دار گارے سے پیدا کیا

بلکہ آپۖ تو (قدرت کے کرشمے دیکھ کر) تعجب فرماتے ہیں اور وہ مذاق اؙڑاتے ہیں

اور جب اؙنہیں نصیحت کی جاتی ہے تو نصیحت قبول نہیں کرتے

اور جب کوئی نشانی دیکھتے ہیں تو مذاق کرنے لگ جاتے ہیں

اور کہتے ہیں یہ تو ہے ہی کُھلا جادو

کیا جب ہم مر جائیں گے اور ہم مٹی اور ہڈیاں ہو جائیں گے تو کیا ہم واقعی دوبارہ زندہ کرکے) اٹھائے جائیں گے ؟

)اور کیا ہمارے اگلے وقتوں کے آباؤ اجداد بھی (اُٹھائے جائیں گے) ؟

فرما دیجئے ۔ ہاں ، ضرور اس حال میں کہ تم ذلیل و خوار ہو جاؤ گے

پس وہ تو محض ایک زور دار آواز ہوگی اور یکایک یہ اپنی آنکھوں سے (وہ سب کچھ جس کی خبر دی جارہی ہے) دیکھ رہے ہوں گے

اور (اؙس وقت) یہ کہیں گے ہائے ہماری کم بختی ! یہ تو یومِ جزا ہے